• Vaphai Khua

VAPHAI KHUA
Vaphai khua hi kum 1876-ah Pu Mitinliana’n Tlaisun lal, Chawnbika hnen atanga se sawm (10) a leiin a lo din a ni.  ani hian kum 45 chhung rorelin (1876 1921).Pu Chawnghleithanga 1921- 1922  (Kum 1),  Pu Thatinchhuma 1922-1937 (Kum 14) Satinkhawli 1937- atangin,  Bawrhsap thupek angin rorelin, a fapa Pu Lalrokhama Kum 15 a tlin hma zawng ro a rel a, A  fapa Pu Lalrokhama hian Lalban thleng 1954 ro a rel a ni. . Champhai District, East Tuipui Constituency a awm a ni. Aizawl atanga 103 KM niin,  District head quarters Champhai. atangin 42 KM a ni. a san zawng hi sea level atanga tehin  5,686 feet (1,733 m) a ni.  Kum 2011 chhiarpui ah khan in ding hi 454 awmin, mihring hi 2,252 an awm a ni. naupang kum0-6 chin hi 419 awmin,za zelah 18.61 % a ni a, mipa hi 1144 niin hmeichhia hi 1108 a ni.   Zirna in hi 7 awmin, Presbyterian English School (Kg-Class VIII), Govt. Primary School I,II,III ( Class 1-IV) Govt. Border Middle School (Class V-VIII), Govt. Fiara tui Middle School (Class V-VIII), Govt. Chhaktiang High School (Class IX -X) te a ni. Literacy rate hi 95.25 %  Vaphai khua hi a boruak a nuamin a zo hle a, Mizo history-a thil pawimawh tak tak – Tan Tlang, Thasiama seno neihna tlang leh a nghaleng khawina, Fiara tui leh Lung Khawsa te a awm a. Thlang tla hmasa Lamsial khua te inbenbelna hmun chu din thar lehin ‘Thlangtlak Mual’ tih a ni a, hetah hian thang leh tharte tana pipute sulhnu hmuh theih tura buatsaih a ni.

khaw lungrual leh inpawh tak, zo nun ze mawi chhunzawmna khaw nuam tak a ni.

VAPHAI INSUIHKHAWM PAWL

Vaphai Insuihkhawm Pawl hi April 30th, 1988 ah Pu T.Thanzauva te in,  Electric Veng, Aizawlah, Vaphai khawchhuak mi 230 zet inhmukhawmin an din a ni.  He pawlin a tum ber leh dinchhan chu –

  • Vaphai hi Aizawl atanga a hlat avangin Vaphai khawchhuak inzawmkhawmna nghet leh thawhhona tha kan  neih theihna tur te,
  • Chhiatni thatni a pheikhai rual zawka kan intanpui tawn theihna tur te
  • Vaphai khawchhuak harsatna bik neite intanpui tawn te
  • Vaphai khawtlang thatna tur leh hmasawnna tura hna thawhte
  • Ram leh hnam hmasawnna ngaihtuah te a ni.

Member chhungkua 350 lai kan ni tawh a ni. Aizawl bakah hian Sub- Headquaters – Champhai leh Lungleiah neih a ni bawk. Pathian hruaina leh member-te thawhhona tha tak avangin, kum 2012 khan  Vaphai Insuihkhawm Pawl chuan kum 25-na  ‘Silver Jubilee’ ropui takin kan lawm a ni.

Thawhhona tha tak nen hmalam panin i kal zel ang u.