CONNECTION_ERROR Vaphai Insuihkhawm Pawl http://vipvaphai.com vipvaphai@gmail.com Mon, 12 Jun 2017 06:51:20 +0000 en-GB hourly 1 https://wordpress.org/?v=4.9.8 128488144 ZUALKO http://vipvaphai.com/zualko/ Mon, 12 Jun 2017 06:51:20 +0000 http://vipvaphai.com/?p=698 Kan Member Pu R.Mankima Kum 76 W/o Hrangthuami, Tuithiang veng chu 12 June, 2017 zing khan Cancer natna avangin a…

The post ZUALKO appeared first on Vaphai Insuihkhawm Pawl.

]]>
Kan Member Pu R.Mankima Kum 76 W/o Hrangthuami, Tuithiang veng chu 12 June, 2017 zing khan Cancer natna avangin a boral a, vawiin june 12 dar 12:00 hian vui a ni.
Amah hi Pu Kawngtea(L) leh Pi Kapengi(L) fate zinga pahnihna niin April 9, 1942 khan Lunglei, Zotlangah a piang a ni. Pi Hrangthuami nen hian January 27, 1972 khan inneiin, fa 4 an nei a ni.
An Fate chu
1. Kawlnipuia(L) 1973-1992
2. R. Lalnuntluangi, Tuithiang Veng
3. R. Lalchhuanthanga, Tuithiang Veng
4. R. Lalhriattiri W/o Robert Malsawmkima, Tuithiang Veng.
Amah hi kan hriat dan tur chu A Nupui Pi Hrangthuami hi Pu Bawithanga,Chawngtui leh Pi Khuanghaii te fanu a ni a, khuanghaii hi Pu Mitinliana Vaphai Lal, fanu niin, Pu Chawnghleithanga Farnu a ni.
VIP Member rinawm tak an ni e.. Vaphai Insuihkhawm Pawl Gen. Hqrs, Aizawl chuan a kalsan tak a chhungte, a tuarpui takzet a Lalpan, tlamuanin awmpui reng rawh se.

The post ZUALKO appeared first on Vaphai Insuihkhawm Pawl.

]]>
698
VIP WEBSITE HAWNNA LEH MUSIC VIDEO TLANGZARH http://vipvaphai.com/vip-website-hawnna-leh-music-video-tlangzarh/ Fri, 09 Jun 2017 07:14:05 +0000 http://vipvaphai.com/?p=640 Vaphai Insuihkhawm Pawl, Gen. Hqrs chuan hun engemawchen atanga a lo buaipui tawh website,(vipvaphai.com) chu May 27, 2017 khan a…

The post VIP WEBSITE HAWNNA LEH MUSIC VIDEO TLANGZARH appeared first on Vaphai Insuihkhawm Pawl.

]]>
Vaphai Insuihkhawm Pawl, Gen. Hqrs chuan hun engemawchen atanga a lo buaipui tawh website,(vipvaphai.com) chu May 27, 2017 khan a duh duh in an tlawh theih tur leh tangkai taka hman a nih theihna turin hawn a ni ta.
A hawnna inkhawm hi Pu C. Lalthanzuala In, Republic Vengthlangah neih niin, Pu Sangchhuankhuma, President in a kaihruai a, Pu Rozuala Chhangte, Secretary in report a pe a ni. Pu Ralsavunga, Patron & Senior Adviser in kan website (vipvaphai.com) hi min hawn sak a ni. Technical Report Tv. C.Ramhmingthanga, Committee Member, (I/C vipvaphai.com) in he website siam a nih dan leh hmalak dante report a pe a, hetianga a website puitling tak kan neih theihna tura min puitu, engkim mn ngaihtuah saktu Pu Lalengzuala, System Administrator, ICT Department chungah Vaphai Insuihkhawm Pawl, Gen. Hqrs Aizawl chuan lawmthu a sawi tak meuh meuh a ni. heng bakah hian a chhunga thuziak tur leh kan mamawh hrang hrang min tihsaka min ngaihtuah saktu zawng zawngte chungah VIP chuan lawmthu kan sawi tak zet bawk a ni.
He inkhawm ah hian VIP Zaimi, Tan Bawm ten Music Video an siam, ‘Tan Lasi’ tih Pu Hrangvunga(L) phuah chu tlangzarh nghal niin, Kan senior Adviser Pu Thangsavunga Hranleh in min tlangzarh sak a ni. Technical Report hi Pu Zaihmingkunga, member, Zobawm hnen atangin ngaih thlak a ni a, an Group atang hian, Group leh mimal zai ngaih thlak a ni bawk. Tin, A duh apiang tana thusawina hun hawn a ni. Pu C. Sawihlira, Treasurer hnen atangin Vote of thanks ngaihthlak a ni a, tlai lamah In neituten chawhlui min buatsaihsak chu kilho nghal a ni.

The post VIP WEBSITE HAWNNA LEH MUSIC VIDEO TLANGZARH appeared first on Vaphai Insuihkhawm Pawl.

]]>
640
Thiamna Hmanga Indonna Khawvel http://vipvaphai.com/thiamna-hmanga-indonna-khawvel/ http://vipvaphai.com/thiamna-hmanga-indonna-khawvel/#respond Sat, 06 May 2017 17:20:24 +0000 http://vipvaphai.com/?p=453 “Raltiang ram saw thlir teh u, hriatna, thiamna, finna ram saw”     Tunlai khawvela indona hautak leh awmkhauh tak mai…

The post Thiamna Hmanga Indonna Khawvel appeared first on Vaphai Insuihkhawm Pawl.

]]>
“Raltiang ram saw thlir teh u, hriatna,

thiamna, finna ram saw”

    Tunlai khawvela indona hautak leh awmkhauh tak mai kan hma chhawn mek chu zirna leh thiamna hmanga indona hi a ni. He rilru game hmang hian ram ropui America chuan khawvel a thunun mek a, khawchhak Sakeibaknei muhil an tih mai, China chuan harhtharna rawn changin, chungnun a rawn chuh mek bawk a. Vawiina heng ram ten an thil neih hausakna leh ralthuam hlauhawmte hi thiamna leh theihna hmanga an neih vek te an ni. Kan ram leh kan khawtlangin zahawmna, theihna leh chungnung zawk nih kan duh chuan zirna hmanga kan \an a \ul. Ziak leh chhiar tam lama dinhmun sang nih hi a ropui e. Chu aia pawimawh chu thiamna chhawr tham, mi thiam chhawr tlak, a \ha zawnga mihring nun sawi danglam a, ram, chhungkua leh khawtlang tieng tham thiamna hi a ni, kan mamawh chu ni. Chuvangin, thiamna hmanga indona mualah hnehna kan chan hma hi chuan he Mizo hnam hian Pu Rokunga(L) te lo mangphan ‘raltiang ram’ kai hi mumang ram ang lek a la ni dawn a ni.

  1. Zirlaite tan :
  2. Sang zawnga zuan a \ul : Matric (HSLC) leh Pawl 12 (HSSLC) kan han kai dek dek a, hna zawn kan tum nghal mai zel hi sim a hun ta. Pawl a san ruala zirlai kan zuih chho tulh tulh mai te pawh hi ngaihtuah ngai tak thil a ni ta. BA, MA, Competitive exam IAS, IPS/IFS Ph.D; MCS, etc. te hi mi t^ a ni bik lo, in t^ a ni. Nawmsak tak luat vang nge heng kawngah te hian Zofate kan zuih tial tial ta mai. Hei hi nakina kan hnam kal zel dan tur thlirin mutmawh hnar mawha kan neih tur thil a ni. Kan ngaihthah a, kan inthlahdah zel a nih chuan inchhirin ban a la chen ang. Chuvangin, amah Sudden Muanga sawi dan takin Kan future hi a bright vak lo. Top Official-ah hnamdang an awm a, decision maker an nih tawh chuan MZU khu thlir ila, a chiang mai. Phun phun mah ila a sawt lovang. Vei ila, i harh ang u. Kan \awng tu’n lo haw lo se, Pate pension hnua IV Grade/Police Constable-a lut tura lo innghah ve ringawt  leh Pu te Bell hmeh rik ruala phu zuk mai mai nih i tum suh ang u.
  3. Knowledge is power : Sum ngah ngah hmel\ha tih hla (kei chuan hla dawn tawi ka ti mai a) ngaihtuah chiang mang lova kan sak pui dual dual hi a hla thu leh a thluk kan thlak a ngai. Hausakna chu zan khat thil thuah a ral thei a, a bo thei, midangin an chhuh theih loh khawpa hlu thiamna hian hmel\hatna a lei thei a, hmel\ha a sithlu ruak ruak mai a nih hi. Mi chak ber pawh tutlawmin, ngawi rengin hnehtu chan a chantir thei. Nepolean-a thuchang – ‘Pen is mightier than sword’ tih hi thudik ziktluak chu a ni e.

I taksa leh i hmai i chul ngun ang tlukin I zirlaibu bih ngun la, face-book i keu zin ang tlukin zirlaibu keu ngun la, khalh ngun rawh. Hrehawm angin lang rih mahsela, U\awk pawhin rangkachak a pai \hin an ti asin. Thiamna hi thil dang chu sawi loh, Vawk vulh nan hlei hlei a \ha.

Kan khawtlang leh kan hnam hian thiamna hmanga mi thiltithei kan mamawh zual tih i hria ang u. Mi thiam leh vengva tlemna khawtlang apiang an hnufual tih hi a dik \an mek. Hei hi tuna zirlaite tan chona a ni, i chhang ngam ang u.

Mithiam zawkte tehna a\ang chuan – Matric/+2 chu mahnia kawng zawng thei an ni tur a ni. B.A chu amah leh a chhungte chawm zo; MA+ chu midangte kep thei leh midangte eizawnna siam sak thei a ni tur a ni, tih a ni. Mahni \heuh inbih ila, a fiah mai awm e.

  1. Zirlaite thuvawn – Lehkha zir.

Zirlaiin a tihtur pakhatna chu lehkha zir a ni a, pahnihna chu lehkha zir a ni a, pathumna pawh lehkha zir bawk hi a ni.

Zirlai tan Kohhran leh Pawldanga inham buai hrih loh a him. Zirna leh nuna i puitlin hnuah i la thawh hlawk zawk dawn tih hi pawm tlat ang che. Inph<tna leh tlangr>l chu m>nah thl^k la, nakina i la chhilh bo (rulh l>t) atan kh>k rawh. Sawiselna hi thiamna hmangin i la hneh zawk dawn nia.

Mi thiam leh hre tam apiangin an hriat loh tam zia an hria a, an chapo ngam ngai lo. I hriat tlem zia hre tur khawpin zir nasa ang che.

Midangte chhawr theih leh \awmpui theih thiamna nei ang che. Mahni tana intel zo ten, nun an tihrehawm a, midangte kep tam apiang an hlim thung a, thih hnu thlengin lung an phun a ni. He ram leh he hnam hian chutiang atan chuan a nghak che a ni. Tithlawn lul suh ang che. I tithlawn a nih a, beisei i phak lo a nih chuan a tuar hmasa bertu chu nangmah i ni ang a, i hnung lamah miin an deusawh ang che a, an nuih san tawh ang che. Ram leh hnam hmasawn leh changkangte hi thlir la, mi mal theihna infawkkhawm hmanga hetiang dinhmun hi thleng an ni asin. Chuvangin, i pawimawh a, i ram leh i hnam hi dinhmun sang taka hlangkai turin nang hi VIP chu i ni e.

Mi thiam/hawi zau chhungkua a hriat a, mi thiamin khawtlang an tinuam a, mi thiamna tamna hmunah nun a mumal a, hriatna leh thiamnain Kohhran a nghawng a, chutiang mi tamna hmunah chuan inkaihhruai pawh a nuam nge nge bawk.

  1. Sorkar hna (chhiahhlawh hna) aiin Private Sector/Firm leh Businessmen : Sorkar hnain min daih lo tih hre rual vek kan ni. Sorkar chakna leh theihna behchhan chunga mahnia eizawnna inbun hrang thei, chumi hmanga Sorkar thurawn pe thei, Sorkar mawng fual tur dawmkang(back-up) thei, midangte eizawnna siamsak a, mahnia ding thei nih hi khawvelin a ngaihsan leh mithiam a tehna rintlak tak a ni ta mek. Chutiang mi kan ramin a ngah hunah Raltiang kai chu hlaa sa lovin a takin kan thleng tawh ang. Chu chu zirlaite hian mitthla ila, ban phak turin \an i la ang u.
  2. Nun a pawimawh : India hnampa Pu Gandhi-a’n seven social sin tia a tarlan zingah “Education without character” tih a tel. Mithiam chhawr tlak loh, mithiam an nunin a dah zero kan la tam riau mai hi a manganthlak lai chu a ni. An thiamna chapopui ngawt mai mi te, thiamna nei sang tak leh hna pawimawh tak thawk chunga khawi lai emawa lo rui thle thle mai mai \hin te hian thiamna quality an tihniam a, eirukna leh thamna bawiha fihlim lo chunga dinhmun sang chelhtute hian ram leh mipui an hmusit a, min sawisa a ni tih hi hria ila, i hmusit ngam ang u. Chhawrna awm lo leh chhawr tlak loh thiamna hi piansualna chi khat a ni a. Nun \ha leh thiamna hi thil inkawp tlat a ni tih i hre reng ang u.

Tin, zirtirtu \ha leh chawimawi tlak tam tak an awm mek laiin zirtirtu inthlahdah, an hna aia an mimal hlawkna leh pen hleh thildang buaipui \hinte hian zirna an tichhia a, khawtlang leh ram hmelma an ni tih hriain i do ngam ang u. Kan hnam dinchhuahna hi an kutah a innghat thui hle a, kan tu leh fate hma hun (future) tur an kuta ngaih ngam taka kan dah zel theih nan i chik peih ang u. Zirtirtu \ha awmna khawtlangah hmasawnna a awm tel tlat si a.

Social Education Subject-in a ken tel pawimawh tak mai chu thiamna hian kawng engkima  hmasawnna a keng tel tih hi a ni. (Education means All round development) Hei hi khawpui leh thingtlangah pawh a lem chuang awm love. Nitina kan khawsak phung, kan ei bar zawnna, kan nunphung leh kawng tinrenga kan hmasawnna hi kan zir thiamna ah hian a inbilh tel vek a ni tih hi hriat hmaih chi a ni lovang. A chhawr \angkai dan zawng thiam leh a ngaihna hria apiang mithiam, mi bik chu an ni mai.

     Mipa te tan bik – Kan Mizo hmeichhiate kan sawtna lam ni lo se. Tun hnaia Competitive exam, Board exam leh Test hrang hrangte han thlir ila, mipa aiin hmeichhiain a Top an hauh ta zel mai. Hei hi mipa te tan chona a ni. Mizo Society hi Patriarchal Society a ni kan tih hi \awngkama sawi aiin theihna leh thiamna hmanga tar chhuah a \ul zawk. Hetiang huna Mizo mipa ten \anlak nachang kan hre lo a nih chuan Khasi-ho ang chauh kan la ni dawn tih hi thil sawi hrehawm tak, dik mek bawk si chu a ni.

  1. Kan nih tum (Goal) tih chian a \ul : Hna neih hnuah leh hlawh neih hnuah chuan zir zawm zel a harsa duh khawp. Nih tum mumal nei a, tih puitlin phawt a pawimawh. Tunlai khawvelah competition a san tawh avangin thiamna satliah ni lo, Specialise-na bik neih a \ul tih hre tel bawk ila. Hei hi hre tel bawk ila, zirna \ha (quality education) te kan ti a, kan sawi \hin. A tul reng a, Project leh Programme \ha te leh Zirna \ha tih te hi mihringah a awm a, mihringah a innghat tih hi i hria ang u. Thil \ha siam turin mihring \ha a pawimawh.
  2. In chhungkaw khawsak milin che rawh :         Matric/Pawl 12 kan han pass dek dek a, mamawhna leh \angkaipuina tur lam ai maha lawmman leh nawmna duh avanga Bike/Scooty nu leh pate dil chin hi subject hlauhawm ber a ni tih kan hriat a \ul. Tin, City Bus-a chuan zak nghal ngawt suh. Sorkar Motor-a i Sikul kal lam leh haw lam hruai che an tum a nih chuan duh hauh suh ang che. Thiamna hi rukruk/eiruk hmanga neih chi a ni lova, a tlo lo tih hre tlat ang che. A phu loh thil avanga nawmsak hmasaktu apiangin retheihna an umpha \hin. Hrehawmna meisa kaltlanga tumna saruh neituin hlawhtlinna an umpha ang. Mahni neiha lungawi leh khawsak thiam hi subject pawimawh tak a ni tih i hre reng dawn nia.

          Incheina, ei leh in leh zuk leh hmuam thlengin insum a \ul : Zirlai i ni a, i fashion chu incheina leh uniform a ni lo. Zirnaa i dinhmun hi a ni zawk. Nalh leh mawi nih tum luatna avanga i fail  a nih chuan i hlu chuang lo, chhiahhlawh chei ang tho i ni ang. I mamawh ang tawk leh i dinhmun phak ang tawka ei leh in ti tura beisei i ni. I nu leh pate sum senah leh pocket money ah zuk leh hmuam leina tur a tel lo tih hria la, i tan heng hian \angkaina pakhat mah a nei lo tih hre reng ang che. Zuk leh hmuam hi hmusit tak chunga h>l chi a ni e.

  1. Duty first, pleasure next : He thu hian Tumruhna a keng tel. Zirlaibua kan zir tel \hin Poem a awm a, chu chu Stopping by woods tih leh Miller of  the Dee tih te hi an ni. Heng Poems te hian zir tham subject a pai asin. Heng hlaril phuahtu (Poet) ten tarlan an tum chu – Awhna bawihah an tang hmasa lova, an thil awh berte chu nakinah an ta a la ni thei tih hriain, tumruhna nen an bei a, an chanah zel lungawi an ching bawk a. Tin, an tih tur leh mawhphurhna (duty) an hlen hma chuan thil mawi, nuam leh chakawm te thlirin an peng bo hman lova, khaw dang an hawi hman lo. Duty first, pleasure next an ti a ni ber mai. No rose without thorn

Kan ramin zirna khawvela kan mamawh chu teirei peih, khawhar tuar peih, Star buaipui ve lo, hlimhlawp tlansan ngam, retheihna leh harsatnain a hneh loh mi tumruh hi a ni. Tin, He State (Mizoram) leh Aizawl khawpui chhungah chauh hian i rilru awm suh se, raltiang thlir ila, midangte el ila, mite thlen phak leh ban phak thleng turin i bei ngam ang u.

America President, Abraham Lincoln-a, thingkittu fapa khan White House a thleng (Log Cabin to White House). Mizopa Pu SR Vala (IAS Rtd.) khan a lehkha zir bul \annaah lehkhabu leina tur pawh a nei lo, hawh chawpin a inziak lian thei. Lehkhabu leh Uniform bikim leina tur a nei lova, mahse chu chuan a tibahlah pha lo. A zirlaipuite ta leh Library chhawr \angkaiin  hawhchawpin a bei a. Harsatna leh retheihna a inhneh tir ngai lo. Ama \awngkam takin,“Ka zirna School chu ka pa tapchhak zawlah,” tih hi a ni mai a ti. A chhuanawmin a va entawn tlak tak em!

  1. Work Culture nung tha tak, ram leh hnam leh \awng hmangaihna rilru : Kan hnam zia leh hnam hmangaihna hi zirlaite min turtu leh kan quality, mi ten keimahni nuna an hmuh tel ni rawh se. Kan thiamna leh kan theihna te hi kan \awng te, kan hnam zia (Culture) te min hnualsuat tir a, min hmuhsit tirtu ah a \an a thiang lo. USA khu ti leh \hin ila, thlir ila an awmna leh an thlen chin apiangah an ram flag a thleng a, an office tinah an ram flag an tarlang a, an ram leh hnam an dah pawimawh hamsa ber \hin. Phaiah lehkha zirin kan han awm dek dek a, mahni ram leh khuaah kan han haw a, kan han hawi pir satliah ringawt mai te, kan hnam zia leh chin dan te kan han hre lo der velte hi chu a zahpuiawm lam deuh \hin chu a ni. Hnam hmangaihna rilru nen zirna hi i luhchilh ang u.
  2. Thuawihna : Zirlai Pathian \ih mi, Nu leh pa leh Zirtirtute thuawih ten an tisual ngai lo. Finna leh hriatna hi Pathian avanga lo awm a ni a, a siamtu hmuhsit leh hnial thl^kna hmanrua tur a ni lo. Thuawih lohna rah hi vawiina kan ramin kan buaipui mek sualna chu a ni. Thuawih tlakchhamna hian mi hlawhchham a hring a, misual a puntir tih hi i pawm tlat ang u. Thupetu ni turin thuawih zir hmasak a \ul. Vawiina kan awhrawn te hi an tun hma nuna thuawih lo zir hmasatu te an ni zel. Mi hlawhtlingte leh thuawihna hi thil kalkawp tlat a ni.
  3. Nu leh pa te tan :
  4. Zirtirtu hmasa ber leh ropui ber chu Nu leh Pa : Zirna In hmasa ber chu Chhungkua hi a ni a, chuta zirtirtu chu nu leh pate hi an ni. Kan tu leh fate zirnain kan nupa nun leh chhungkaw nunah nghawng nei rawh se. Fa \ha nei turin nu leh pa \ha an pawimawh angin, lehkhathiam fa nei turin zirna ngaisang a, tuipui \hin nu leh pa an pawimawh. Nu leh pate hi lehkhathiam leh fate zirtir reng thei khawpa thiam kan ni kher lovang. Chuta pawimawh taa chu kan fate zirna hi kan ngai pawimawh a, kan vei a ni tih lantir hi a ni. An lehkha zirna bula kan lo invilpui ringawt mai te, an zirlai tibuai thei titi leh thawm bengchheng dang kan lo inkhap sak a, boruak \ha kan losiamsak ringawt mai te hi kan fate tan chakna leh tuina petu a ni thei. Chutihrualin, Nupa nun leh chhungkaw boruak \ha an mamawh tel a ni tih hriat reng a \ha. An exam lai phei chuan hauh leh boruak \ha lo, rilru tina thei siam lo hram tura \anlak a \ul. Chhungkua ber a fail tawh chuan engkim mai hi a fuh thei tawh ngai lo. I tu leh fate chu zirna leh nunah chher dik la, in i sa a ni ang. Heta i fail chuan in tha, ram tha i neih te kha i thih hnuah an la hralh sak tho ang che. I tu leh fate thang awhna atan i inchhek khawm lek a ni ang. Zirnaa chher puitlin leh nun nghet hi ro a tling tih i hria ang u.
  5. TV/ Video, Computer, Mobile Phone, Tape record, Playing Card, Zu etc. te hi kan tu leh fate zirna avang leh an nun atana nghawng \ha lo nei thei thil vek an ni tih hriain i thunun ang u. Lehkhazirna dawhkan aia Computer dawhkan chul nel chi an nih chuan a la pawi ang, TV en hunbi siamsak lova an duh hun huna an thlir a nih chuan an la fail ang, an zirlaibu aia an Mobile Phone an khal peih zawk a nih chuan kan la inchhir tlang ang. Fate lehkha zir hlana Playing Card khelh ching nu leh pa, Zu leh ruih theih thil nena boruak \ha lo siam ching chhungkuaah mi thiam an chawr chhuak mawh khawp. Khawvel changkanna leh IT hmanruate hi do mai lovin, kan thunun thei a ni tih i hria ang u. An mamawhna leh a \angkaina turin a buk kang hle a nih loh chuan Pass lawm nana Mobile Phone, Computer, Bike/Scooty lei sak ngawt suh. I venpui theih loh tur thilah phei chuan duhsak a tul lo. Naupang mittui leh pangchanna hian nutling leh pa tling min tlawm fo. Hei hi i hre reng ang u, ‘Naktuka i \ah loh nan vawiinah naupang chu vel mai zawk rawh’ tih hi. Hmangaihna mitdel hian khuarkhurum leh thihna luipuiah kan tu leh fate a chim pil fo ta mai. Nu leh pa te i nghet ang u. Kan dinhmun nena inphu tawkin chei ila, enkawl ngam ila, min zah daih zawk.

        Tin, Hostel/Phai lam  boruak hre chiang lo leh zo lo tur chu in tah luh loh a him. Nu leh pa tluka fate hmangaihtu an awm tak tak lo. Ngaihtuahawm lo khawpa tla hrang thei tura chher hriam hi kan mawh a ni tih i hre bawk ang u. Hostel leh hmun hla hi sual khawi ngamna sikul-ah a chang thei. I fimkhur ang u.

  1. Intodelh turin retheih zirtir ngam ila. Dikna chi i tuh ang u : Abraham Lincoln-a’n a fa chungchanga an Headmaster lehkha a thawn ah chuan : Sikul-ah chuan entawn aiin Fail mai hi a zahawmin chawimawi tlak a ni zawk a ni tih zirtir la…Ngilnei takin enkawl la, mahse duat suh ang che; a chhan chu mei sa lutuk kal tlang lo chuan kahpathir hi a chhuak thei ngai si lo.” tih a ziak tel a, nu leh pate tan zir tham a awm awm e.
  2. Fa hlawhtling nei zel turin nu leh pa tling an pawimawh : |anrualna, inthurualna leh inpumkhatna hi a hmanrua chu a ni. Nu leh pa nih mai hi thil harsa a ni lo. Fate tana nu leh pa nih tling ni turin zir tur a awm tih i hria ang u. Fa hlawhtling phenah nu leh pa nih tling an awm zel. Ka fate result hi nu leh pa result a ni tel. A ruala fate leh chhungkua chhuahsan fo nu leh pa ten inchhirna an hmachhawn fo. I ngaihthah suh ang u.
  3. Raltiang kai theihna chu hetah – kan rilru leh kan tumna ah a awm : German-ho chuan Zirna Sikul a\angin an ram an tungding. Indopui hnua German-ho nun tlabal lutuk chu Zirtirtu pakhat chuan,“Zirna hmangin German hi kan tungding leh ang,” a ti a, a bei a, a hlawhtling. He khawvel finna leh hriatna hmanga kan indo mekna tualzawlah hian Mizo hnamin kan hnehna hmanrua leh kan ralthuam tur chu Zirna hi a ni e.

S.Kapzathanga (Taia)

Armed Veng South, Aizawl

The post Thiamna Hmanga Indonna Khawvel appeared first on Vaphai Insuihkhawm Pawl.

]]>
http://vipvaphai.com/thiamna-hmanga-indonna-khawvel/feed/ 0 453
Tan leh Phullubuk Indo http://vipvaphai.com/tan-leh-phullubuk-indo/ http://vipvaphai.com/tan-leh-phullubuk-indo/#respond Sat, 06 May 2017 17:16:43 +0000 http://vipvaphai.com/?p=449 Tlang pahnih indo thu hi tunlai hunah chuan thawnthu ang mai a ni tawh a, mahse a taka hmu leh…

The post Tan leh Phullubuk Indo appeared first on Vaphai Insuihkhawm Pawl.

]]>
Tlang pahnih indo thu hi tunlai hunah chuan thawnthu ang mai a ni tawh a, mahse a taka hmu leh hriate an la awm nual a. He indo dan puangtu hi Pi tialberhi a nih avangin, a chanchin thailan nual a ngai bawk a. Pi tialberhi hun laia thilthleng hmutute sawi leh upate sawi hretute hnen atanga ka dawn chhawnte ziak ka tum a ni.  – Lalbuta.

Tan tlang chu Vaphai khaw bula awm ft.6330 a sang a ni a, a chheh velah Mizote hmun hmingthang- thasiama seno neihna, thasiama nghaleng khawina, Maurawkela tui thuhruk, Fiaratui an tih leh Lungkhawsa te an awm a, tiau lui atanga thlanglam mel 5 vela awm a ni. Phullubuk vethung chu tiau chhak mel 12 vela hla, ft. 8212 a sang a ni a, Lentlang dunga awm a ni. tan tlang nena an inkar hi mel 17 (Km 25) vela ngaih a ni a, chhim thlang leh hmarchhak zawngin an in-ep a, tlang chhip mawi tak ve ve an ni.

Phullubuk tlang hnuai lawkah hian Chawnghawih khua a awm a, hmasang a Mizo hlaphuah thiam Pi Hmuaki seilenna khua a ni. Tin, Sailo thlahtu Sailova thihna khua a ni bawk. An khaw bul lawkah Ngente hmun phul zau tak leh Lalmanga nu hlawh rawihna an tih Lalmanga nu lozawl te an awm a. Chawnghawih khua atangin tan tlang chu chhim thlang zawngin thlir nuam tawk tak a ni. Chu khuaah chuan tan tlang huai lasi lalpa Lalkhama’n a zawl Pi tialberhi an tih Zatintiali a awm a. Pi tialberhi Lalkhama’n a zawl hun hi 1930 vel atanga 1960 thleng vel kha niin a rinawm.

Kan pipute khan tlang lian deuh te, puk te, sih te, Lui te, Thingkung lian leh Kham te hian huai an neiin an ring a, chung huaite chu an tihlawm loh chuan mi an tina thin niin an ring bawk a. Chung huai tlawn nan ran talhin emaw, buh leh sa kengin emaw inthawina an lo buatsaih thin a ni. Chu chu “thingbul lungbul bia” kan lo intih chhan niin a lang. Mahse, chung chu an bia ni lovin, mi an tihnat loh nana an tlawn lungawina mai a lo ni a, an biak tak zawk chu Sa pathian leh Khuanu pathian a ni tih hi upate sawi dan chu a ni. Sa leh Khua kaikawpin ‘Sakhua’ tih tawngkam a lo chhuak ta a ni an ti bawk a.

Kristian sakhuain Lushai hills, tuna Mizoram a tih en fe hnuah pawh tiau chhaka awmte chu Kristianna chuan a chiah hneh mai lo va, nu leh pa tam zawk chu hmanlai nun phungah an lung a la leng a, Pipute sakhuana, serh leh sang tam tak pawh hun rei tak chhung an la hmang chhunzawm zel a. 1965 thleng khan Khuangchawi an la awm a, Kut leh Chhawnghnawh phei chu 1974 thlenga hmang pawh an la awm.

Pi Tialberhi hi Chawnghawih khaw nu fing leh fel tak niin Hnahlan-Diltlangah pasal a nei a. A pasalin a thihsan avanga a chhung ten an hruai haw chu tiau kama an chawlh laiin nikhaw hre lovin a mu tawp mai a. A lo harh chuan, “Lungngai suh, ka rintlak i nih avangin ka thu puangtuah ka thlang che a ni, dam takin va haw la, ka lo kal leh anga, kan inkawm zel dawn nia. Ka lo zin hunah zu mi zûk la, Vawk mi talh bawk ang che, tan lalpa Lalkhama ka ni e,” tiin a rawn tawng chhuak ta a. (Zofate thu hla by LK. Liana. 1994)

Khua a thlen hnuah Lalkhama chu a va zin tak tak a, Vawk an lo talh a. Chu vawksa chu ruai atan an buatsaih a, thlangraa an theh fel hnu chuan tho rualin an rawn bawm huk a, rei teah lovah an kiang leh ta duak a, Pi tialberhi chuan, “Fatuho, rawn seng tawh rawh u le, an kham tawh a nih kha,” a rawn ti a, an seng leh ta a. Pi tialberhi inhlanna chu an lo pawmpui niin a ngaih theih. Chumi atang chuan Lalkhama nupui hian tialberhi chu puan a tahpui thin an ti mai a, ‘ni hnih lek lekah puanbu hi a zo zung zung thin a ni’ an ti.    

          tialberhi chu Chawnghawih khua Zakhuma nen an innei leh a. tum khat chu Chawnghawih khawho tlang hri chikhatin a man a, an khua a sik a, an nak a na bawk a, an damlo chuah chuah mai a. Pi tialberhi chuan dam lo chu a kan kual a, “E khai, in  khua chu in dam lo hle mai, Zachhawna leh Khuangzingi phei chu na tak an nih saw, mahse thlaphang suh u, tumah in thi lo vang,” a ti a, tumah an thi lo reng tak a.

          Chawnghawih khaw mi Hrangchhama chu a farnu, Farkawn lalnu Pi Thankimi kanin Farkawnah a zin a, a haw kawngah tan tlang hnuai a thlen chuan a kawng zawh lai chu a tawp ringawt mai a, a mangang chu a hawi a hawi ta mai a. Rei loteah kawng dang a lo inhawng leh a, a zawh thui hmain chu pawh chu a tawp leh ringawt bawk a, a hrilhai em em mai a ni. Kawng dik lovah ka kal a niang tiin kawng dang a zawng a, a lo kalna lamahte a let leh a, a hawi kual laiin lehlamah kawng a lo inhawng leh a, chu pawh chu rei a zawh hmain a tawp leh ta mai bawk a, a hlau lutuk chu ram palailengah a tlanchhe ta vak mai a ni awm e. A tawpah chuan kawng chu a hmu leh ta hlauh mai a. Chumi chungchang chu Pi tialberhi chuan, “Hrangchhama lo hawng chu ka lo fiam a, a hlau em em lehnghal a, kawng ka hawnsak leh tak vat kha,” a ti awlsam et a. Hrangchhama chu an khua a thlen thlengin a thlabar chu a la khur hlawk hlawk mai a ni an ti. Khua ami ten a thil tawn chu an lo zawt a, Pi tialberhi sawi ang chiah chu a lo ni a.

Ni khat chu Pi tialberhi fapa Tlangkhuaia’n Tuiphei luiah len a deng a, a haw kawngah Sakeiin a lo chang a, a lo ngur chhur chhur mai a. Tlangkhuaia hlau lutuk chu a tlanchhe nasa ta mai a. Chu chu Pi tilaberhi’n a lo hmu ni ngei tur a ni, “Tlangkhuaia chu ka uipain a lo chhaih a, a hlau lutuk baklengin a tlan khu, a seh awm der si lova” a ti a, awmhmun atangin a lo nuih khiah khiah mai a ni an ti.   

Pi tialberhi hi a zawl a chhuah chuan thil a hre hle mai a, sa pela ramchhuak thin ten an  rawn ta fo va, sa an kah dawn leh dawn loh a lo hrilh thin. An khuaah dam lo an awmin an dam loh chhan leh an inthawi dan tur a kawhhmuh thin avangin a chanchin chu a tlangthang ta hle a, khaw hrang hrang atangin dam lo chhung ten thumvawr turin an rawn pan thin a ni. thumvawr tura kalte hian tangka cheng khat, artui pum khat leh buhfai an keng a, zu pêngte pawh an keng bawk thin a. thum an vawr dawn hian Pi tialberhi chuan Khotein buhfai, tangka leh artui chu a keng a. Zawl kohna chhampual engemaw a neih hnuah tungchawah a dah a, khumah a muhil ta bawrh bawrh a. A rawn thangharh chuan, hla tak atanga rawn thleng ang hrimin a thaw hlawp hlawp a, a hui pup pup a, a hah hle tih a hriat theih a ni. A rawn tawng chhuak lah chu mipa hrohrang na tak ang a ni a, tiau thlang awphawi dik zet mai hian, “Ka lo thleng ta, in lo dam tlang a niang chu maw? tan lal Lalkhama ka ni e. Ka rawn kalna a hla tham a, kawng lakah ka chawl hman hlei law, ka’n thu chawl rih ange aw,” a ti a. Zu an ken chuan an khawna an zuk bawk a. Pi tialberhi chuan,  “Kan dam lo kan tur chu a na hle mai a… a tinatu chu khaw’nge ka’n zawng ang e aw,” a ti a, kawmkarte a phiat a a zawng vut vut a, “Kha… ka hmu fuh ta… chumi-khami in a sawisa a, ran chutiang chu a ngen a nih hi” a ti a. A sawi ang chuan Puithiamin a thawia an dam ve mai thin a ni.

Pi tialberhi chuan an nat chhante hetiang hian a lo hrilh bawk a, “In lo vauah sih a awm a, chu sih kama thing a kih avangin sihhuai an thinrim a nih kha, Arpa hlui sen keng u la, sih kamah chuan va inthawi rawh u,” ti tein, an nat dan a zirin inthawina hi a lo chawh thin. Natna chi hrang hrang hi an nat chhan leh an inthawi dan tur a inang lo va, a then chu buh leh sa, a then chu zu bel, a then chu ar te, vawk te te, Kel te a chawh hlawm a. A tih tur a zawh fel chuan Pi Tialberhi chu rei vak lo a muhil leh a, a rawn harh chuan nu pangngai a ni leh mai thin.

A zawl a chhuah hian Pi Tialberhi chuan “Daiah sawn ka uichal ka thlung a, naupangte kha daiah kaltir suh u, ka ui an hmuh chuan an hlau dah a nge,” a ti a, a uichal  chu Sakei a lo ni a. Chutih hun lai vel chuan daiah sakei hnu an hmu fo thin a ni. Tumkhat pawh “Ka uichalin min zui tha duh lo va, in rante kha veng tha u la, lo tang rawh u aw” a ti a. Chumi tum chuan dai hnai takah sakeiin sial a lo seh reng mai a. Pi Tialberhi chuan, “Kha asin, in rante veng tha rawh u ka ti mathlawnlo che u a,” tiin a mawhchhiat nghe nghe a.

Hetia a zawl a chhuah lai hian paho chu Pi Tialberhi titi ngaithlain an thu thup thin a, an hriat ngai loh thil tam tak a sawi thin an ti. Bochung khaw tlangval pakhat chu tibuaitu a nei a, tlanbo a tum reng mai a, chumi ven chu a hautak hle mai a. Pi Tialberhi hnenah chuan thum an vawr ta a, “Rawlkhalah Kel hnuchham an hmang a, huai a lungawi lo a ni. Kel pa hmelhem loin inthawi leh sela, chumi kel ki chuan tuisik in rawh se,” a lo ti a, a sawi ang chuan an ti a, a dam ta viah mai niin an sawi bawk. (Rawlkhal tih hi tleirawl chhuak hlim tana inthawina chikhat a ni). tumkhat chu Saihmun ramah Tumpangsial ki tha tak mai a chhuak a, an lo zim a, an kap ta a. Pi tialberhi chuan “Ka sepa vulhlai an kap vei a, an tuar ngei ang” a ti a. Rei vak lovah a kaptu chu a thi ta mai a, an ngaih a tha lo hle a ni awm e.     

Heng hun lai hian Chawnghawih leh a chheh velah thlipui na tak tak a tleh fo thin a. Khuarelin a ken tel thlipui te, to haw thlipuite nen chuan a inang lo deuh a ni mai thei. tum khat pawh thlipui na mangkheng a tleh leh a, a changin thlivir angin, a changin  hnuai lam atangin van lamah a invawrh a, bangte hi a nam sawk sawk a. A changin hmar zawngin, a changin chhim zawngin a intleh chhawk a, a ri hum hum mai a, a tihbaiawm tak zet awm e. In chhungah chuan, a thenin ban an pawm a, a then khumah puanpuiin an inkhuh a, chhungkaw pa ber intihhuai a ngâi a, lungthu tlawh chhanin naupang thlabar lutuk tur a hnem a, nu berin khur der derin thlipui chu, ‘zahngai! zahngai!’ tiin  a lo ngen hram hram a, tuthlawhte kawmchar banglaiah a thiat kual vel a. Rei fe a inhrosak hnu chuan thli chu a bang ve ta a. Thli tleh a reh ve leh a khaw mite chu pawnah an chhuak sup sup a, in chhia a awm em, inhliam an awm em tiin khawlai an fang a. Khawlaiah chuan di them leh mau phelte chu an let kawkalh nuai mai a. Pi tialberhi pawh chuan khua chu a fang ve a,  “E..kha.. thli chu a na hle mai maw, in chhia leh intuahmawh in awm em? Phullubuk nen kan indo a, tun tum chu Phullubukin min hneh tep a lawm le,” a rawn ti a. (Intuahmawh tih hi, Intina palh, tihluih ni lova inhliam sawina a ni)

Chu lo pawh chu thlipui na tak tak a tleh fo thin a, Pi tialberhi chuan in chhung atang chuan, “Tunah hian tan lam an chan a tha, tunah chuan Phullubukin an nawr let a, an inbei tawk. Tunah hian tan lamin an nawr leh ta.. saw saw saw, a nghawng a chhawk bung dawn.. a chhawk bung ta” tiin an indo dan a lo sawi thin a. A naktukah chuan Phullubuk hnuaia tlang pawng lian vak lo pakhat chu a lo min huam mai a, a lu an chhawk bun chu niin an ngai a ni. Chawnghawih khawho chuan hetia thlipui na tak tak hi vawi duai lo an tuar thin a, tan leh Phullubuk an indo an ti mai thin.

Pi tialberhi hun hnuhnung lam a ni tawh a, tumkhat chu Vutbuak khua atangin thumvawr tur an lo kal a, an fapa khawmuchawia bo ta daih mai chu an thumvawr chhan a ni. Mahse chumi tum chuan Pi tialberhi zawl a chhuak lo a, beidawngin an haw leh ta a ni awm e. A khaw mite sawi danin thumvawrtu zingah Kristiana inpe an awm chuan a zawl a chhuak thei lo an ti. (Khawmuchawi/khawimuchawi chu labotu nei, ramhuai hruaibo tihna a ni).

Tichuan Kristianna engin zual lam a pan zel a, tiau chhak lama mite pawh a khaw pumin Kohhran memberah hming an ziak hlawm a. Kohhran member ni chunga hmanlai nuna lungleng la awm hlawm bawk mahse, thui tak an kal thei tawh lo a ni. Khuangchawi avanga zu thlum ber leh Savo an chanlet tur a awm tawh lo va, se chhun leh sa aiha khawtlang hrai pawh chu a thlawna insensona mai a lo ni bawk a. Thanghlen avanga mite chunga lenna tur a awm tawh bawk hek lo.

Chanchintha Bawm zawn leh thlarau harhnain khaw hrang hrang a tuam a, hlim lamnate a tla bawk a. Pi tialberhi pawh a zawl a chhuak zen zen tawh lo a ni. An sawi danin amah zawltu Lalkhama chuan “Kristian in tam tawh a, ka lo kal tawh lovang” tiin inthen thu chu tha takin a sawi a ni awm e. Pi tialberhi pawh chu tar a lo ni tawh a, 1964 khan kum 76 mi niin a khawvel hun chu a hmang liam ve ta a ni. Tunah hian Chawnghawih khuaah Pi tialberhi(Zatintiali) damlai lung chu a la ding ve reng a ni.

            (Savo tih hi: Khuangchawi leh Sechhuna khawtlang hrai tawh ten, chutianga ti an awm ve hunah an ran talh zing atangin sa chanvo an nei thin a, chumi sawina chu a ni. Sa hi kawngkal nei takin an chan thin.

            Zu thlum ber han tih hi: Khuangchawi, Sechhun, Sa aih leh kut ni vangthlaah zu bel tam tak hi kawngro nei takin an hung thin a, inchhung lam kawngkapui hnaih berah a thlum ber an hung a, zu thlum dan indawtin kawt lamah an tlar thin. Zubel chu tlar hnihah an hung tlangpui a, a chhunglam chu lal leh upa, Khuangchawi pa, Thangchhuah pa, Se-li chhun Se-thum chhun leh pasaltha ten an chang a, pawn lam chu minaran chan a ni.

            Thanghlen hi Thangchhuah tihna  a ni.)

The post Tan leh Phullubuk Indo appeared first on Vaphai Insuihkhawm Pawl.

]]>
http://vipvaphai.com/tan-leh-phullubuk-indo/feed/ 0 449
Ram Hmasawn Nan Politics (Ngaihtuahna thar kan mamawh) http://vipvaphai.com/ram-hmasawn-nan-politics-ngaihtuahna-thar-kan-mamawh/ http://vipvaphai.com/ram-hmasawn-nan-politics-ngaihtuahna-thar-kan-mamawh/#respond Sat, 06 May 2017 17:15:42 +0000 http://vipvaphai.com/?p=447 Politics chungchang ka ngaihtuah apiang hian America ram President lar tak \hin J.F.Kennedy-a thu khawchang hi ka rilruah a lo…

The post Ram Hmasawn Nan Politics (Ngaihtuahna thar kan mamawh) appeared first on Vaphai Insuihkhawm Pawl.

]]>
Politics chungchang ka ngaihtuah apiang hian America ram President lar tak \hin J.F.Kennedy-a thu khawchang hi ka rilruah a lo lut \hin a. J.F.Kennedy chuan, “Vote neitu mi pakhat at-na vang hian mipui sawrkar (democracy) hi buainaah a lut thei”, a ti mauh mai. He thu hi kum 1960 chhova a sawi kha ni mahse India ram kilkhawr a awm Mizoram a mipui te’n politics chungchanga an rilru sukthlek dan a tarlang chiang hlein ka hria. Mizoram mipui tam tak, a bikin thalaite zingah politics hriatfiah tawk lohna avanga political party thlenga beidawng, politician-te zingah tumah ngaihsan nei bik lo, te hian beidawnna ruam a\angin danin chanvo a pek vote thlak theihna pawh hmang phur lo an awm tlat a tin a ni! Mahse, vote kan thlak loh ringawt hian ram a siam \hat dawn chuan si loh avangin engtin nge kan tih tak ang le?

Abraham Lincoln-an Mipui Sorkar (Democracy) a hrilhfiah dan hian kum zabi 21-na hun kan hman chhoh mekah pawh hian Mipuite leh Sorkar inlaichin dan tur hi a lo sawi chiang hle bawk; ‘Mipuite’n anmahni tana, anmahni ngeiin an siam sorkar’ (Government of the people, by the people and for the people) ti a a sawi hi khawthlang ram, Liberalism leh Democracy hlutna chawisangtu te leh India ram ngei pawh hian Sorkar tha leh thalo tehfung berah an hmang chho mek reng a. Sorkar chu ropui leh hausa in, khawvela ram thiltithei ber pawh ni se, mi hausa ber atanga a rethei ber te ta a nihna a bo chuan loh avangin mipuite chuan tehfung hrang hrang hmangin Sorkar chu an teh zel dawn a; chung an tehna hmang chuan anmahni leh Sorkar chungchangah ngaihdan an siam thin dawn a ni. Chuta an ngaihdan siam atang chuan Sorkar chu ‘ka sorkar‘ an ti thei emaw, theilo emaw sorkar laka rinawm tur nge? rinawm a tul lem lo tih thlengin thutlukna chu an siam mai dawn a. Heta tang hian ‘engvangin nge politics-ah mi an beidawn thin?’ tih pawh thui tak a hriat theih bawk. Political Science zirna huang chhungah hian ‘politics a beidawnna’ hi ‘political apathy’ an ti a. He tawngkam lo irhchhuahna chu mihring rilru put hmang zirna (psychology) a ni a.

Khawvel huap pawha Psychologist lar, Emile Durkheim i’n ‘mahni intihlum’ (suicide) te a zir chianna-ah chuan hetianga mahni intihlum te hian ‘midang zinga awm ve tlak lo leh khawtlang tana tangkai lo angin’ ngaihtuahna an hmang thin a ni awm e. Politics-ah pawh hian mi beidawng tam tak ‘ka vote khat ringawt hian kawngro a su lovang, ka vote te an tling leh chuang lovang, ka vote avangin ram kalphung a danglam phah lovang’ ti zawnga rilru leh ngaihtuahna seng an awm \hin a. Mahse, ‘politics chuan vote nei lo, vote thlak duh lo leh vote thlak thintu zawng zawng te pawh a huap vek si a’. Chuvangin, ngaihtuahna thar kan sen a hun e.

American pachal, Marshall chuan, “Tupawh ni la, politics-ah i tui lo a ni thei e. Mahse, politics hi nangmahah a tui tlat si”, a ti hial a ni. Political Science/Politics zirna a thu laimu ber chu Sorkar (Roreltute) leh Mipui inkar hi a ni a. Plato atanga John Rawls thleng hian Political Philosopher leh Political Scientist te’n chinfel an tum leh ngaihdan an puanchhuah reng reng hi a phenah Mipui leh Sorkar inlaichinna \ha siam an duhna hi hmuh tur a awm zel ang; chu chu rorelna dik (justice) siamna tura rahbi hmasa ber a tih theih bawk.

Plato (427-347 BC) chuan mipui 5000 awmna State (ram) a duhna chhan chu Philosopher King-in \ha taka mipui tana ro a rel theih zawkna tura a rin vang a ni a; mi nuai tam awmna State-ah chuan \ha taka rorel a har a rin vang a ni mai. Rousseau (1712-1778) chuan mihring 10,000 vel hi State population a tan a duh tawk viau thung.

Thomas Hobbes, John Locke leh Rousseau te’n Social Contract Theory an rawn vawrh chhuak a, chu Social Contract Theory laimu chu mipuite hi kan ni. Dan siamtu (Legislator), a kengkawhtu (Executive) leh a sawifiahtu (Judiciary) awm lohna huna awm mipuite chuan mumal zawka an chenho theihna turin thuneitu (Sovereign) an siam chawp chu inremna an ziah pui a, Sovereign (lal/thuneitu) tih tur ber chu mitin te nunna (life), an zalenna (liberty) leh an thil neih (property) vawn him sak a ni a; mipuite tih ve tur chu Sovereign in a tih tur te \ha taka a tih chhung chuan a thuawih tak a, a rorelna hnuaia awm a ni ve thung.

Mizo te’n lal kan neih \an dan pawh hi Social Contract ngaihdan nen pawh hian inzul tak a ni a. Zahmuaka te chhungkua kha an khaw venghim turin khaw pakhatin an sawm a, a sawmtu khaw mipuite tihtur ber chu thlawhhma nei ve hmanlo tur Zahmuaka te chhungkua hnena ‘fathang’ (chhiah) chhun kha a ni a, Zahmuaka te chhungkua chuan ral laka khaw venhim kha an tih tur a ni ve thung. Tichuan, hun a lo kal zel a, tunah chuan mipuite’n Sorkar chu kawng hrang hranga chhiah kan pek hmangin kan chawm a, sorkar pawhin mipuite hnen a\ang leh kawngdang a\anga chhiah a hmuhte \ha taka a hman chu a bat a ni ve ta a ni.

Politics hi rorelna dik tung ding tura Pathianin mihring te a pek a ni tih kan pawm em? Rorelna dik tung ding tur hian political philosopher/ Economist tam tak chuan Sorkar (State) tih loh tur chinah ramri kham mahsela J.M.Keynes (1883-1946) leh John Rawls te chuan Sorkar tih tur lam an uar thung. Industrial Revolution meichher chhitu chu State in a tihloh tur chinah ramri khamna a awm vang a ni a; mahse, chu chuan ram chhungah intluktlanlohna thuk tak a hrin chhuah tak avangin rorelna dik kalpui theih a ni lova, chuvangin kum zabi 20-na chawhma lam atang kha chuan ram chhungah rorelna dik tungding tur chuan Sorkarin tih tur tam tak a nei tih chu ngaihdan pawmawm tak a ni ta zawk a ni.

Sorkarin zirna In pakhat a din ringawt pawh hian nghawng thui tak a nei a; hnathawktu te tan hna a siam sak bakah in sakna bungrua siamtu leh zuartu te tan an thil siam hralhna turin remchang a lo awm a, lehkhathiamte tan hna a siam mai bakah nakina khawtlang leh sorkar enkawl thei turin zirlaite a chher bawk a nih hi.

Khawvel huapa mahni ramri pel rawka insumdawn tawnna a lo hluar hun (Globalization era) ah meuh pawh hian Sorkar chuan mipuite hnenah rorelna dik pe turin tan a lak sauh sauh a \ul zual hle, a chhan chu Internet khawvelah mahni tapchhak zawl a\angin khawvel kan thlir thei tawh a, chung a\ang chuan ramdang hmasawnna leh kan ram hmasawn dan kan khaikhin theih zel tawh vang a ni.

Internet khawvel hi eng Sorkar mahin a thunun hneh bik loh avangin khawvel mitah leh a khua leh tuite lakah a mualpho mai loh nan Sorkar chuan a hmalakna tur pawh fimkhur takin a ngaihtuah zawk a tul ta hial a nih hi, chu chu Democracy Sorkar tih tur dik tak pawh a ni reng a. Amaherawhchu, mipuite’n kan beisei angin sorkar chu a kal lo fova, ruling party mi leh sa an lian thur thur a, party awn lam nei lo (neutral) \an hmun a tlem tulh tulh a, ruling party member zingah contract eng i lo hmu ve thei lo an lawm lo tulh tulh bawk a. Tichuan, kan politician-te kan sawisel \an a, party sawiselna lamah a kang kai zel a, a tawpah ‘politics-ah ka beidawng‘ kan ti ta \hin a ni.

|henkhatin, ‘ aaaa..kan phu tawk chauh roreltu kan nei a lawm, mipuite hi kan la mawl em a ni’ tiin tawngkam an lo cheh ve bawk a. India parliament-ah thubuai nei lai (Criminal case) za chuang an awm hi kan phu tawk chauh a lawm i ti mai dawn em ni? Mizoram State Legislative Assembly-ah hian ziak leh chhiar thiamlo awm teuh ta se la, chungte chu chan pual (portfolio) pawimawh tak tak changin Minister nita bawk se, kan phu tawk lek a lawm i ti tho angem? Democracy ramah hian mipuite hian kan phu tawk aia chhe zawk zel roreltu kan nei a; mahse chung kan phu tawka aia \halo roreltute chu an hnathawh a zirin pawm chin leh pawm loh chin kan nei mai \hin zawk a ni. Roreltu/dan siamtu kan thlan chhuah dan hi a pawimawh khawp bawk.

India ramah chuan Dan siamtu (MP/MLA) ni tur hian Dan bawhchhiat hmasak a ngaihna chin a awm a, Danin inthlan senso atana a phalsak chin aia tam hi MP/MLA tam tak hian an campaign laiin an hman ngei ngei a tul. Chuvangin, Dan siamtu (Legislator) ni tur chuan dan bawhchhetu (Law breaker) an nih hmasak a tul tlat. Chu chu mipuite mawl vang leh retheih vang ni loin a kalphungin (Political System in ti mai ang) a kentel sa a ni a, mipuite hian duhthlan theihna hi kan nei zau lo teh a sin.

Inthlan laiin mi tam tak chuan an retheih avangin candidate te a\angin sum leh pai leh therhlo an beisei \hin, a chhan chu beisei lo theilo tur khawpa retheiin tun hma a\anga roreltu te’n rorelna dik tung ding lo a an siam vang a ni. An thlai thar hralhna tur te ngaihtuah sakin, kawngpui \ha tak siamsak bawk se, hmasawnna hnathawh reng rengin a thlenna tur hmun dik tak thleng vek thei zel ta se, rethei takin an awm reng bik dawn em ni? India ram khawpui hrang hranga mirethei chenna hmun (slum area) a chengte tan chuan nilenga vote thlak tura polling station a va intlar ai chuan Cheng za vel hlawh tura kutdawh emaw mi bawlhhlawh paih a\anga hralhchhawn leh theih tur thil an zawn kha an nitin nunna atan a pawimawh zawk. Mahse, candidate te’n Cheng za pein anmahni vote turin thlem se la, kutdawh emaw bawlhhlawh paihna hmuna tal nilen ai chuan vote thlak an thlang zawk ang. An sal tanna atanga zalenna dar vua a dinhmun tha zawka miretheite hruai chhuaktu tur chu Sorkar a ni a, mahse an phu tawk aia \halo zawk roreltu an neih miau avangin rethei takin duhthlan theihna zim tak awmna hnuaiah an kun a ni.

Heng thu te ka sawi avang hian ‘roreltu atana kan thlan tlin te hi an \ha lo vek e’ ka tihna a ni lova. Mi \ha tam tak an awm ve a; mahse, hun rei tawh tak ata kalphunga kan lo neih tawh te hi vawi lehkhata thlak thut theih a ni bik lo tih ka sawi tumna a ni zawk. Kan beisei anga sorkar a la kal thei rih lo a nih pawhin ‘beidawnna aiin beiseina’ chuan ram hmasawn nan thil tam tak a la ti thei zawk si a. Politics-ah hian political party-te hi hmanrua tam tak zinga pakhat chauh a nihna hi mi tam takin kan man loh avangin political party a lutte chauh hi emaw politics khelah kan ngai fo \hin. Hei hi kan \hanmawh bawk pakhat, politics awm zia dik tak leh a nihphung kan hriat fuhloh avanga kan hmasawn tur anga hma kan sawn theih lohna pakhat chu a ni zawk.

Kan nitin nunphung hi politics chuan min nghawng vek a; zing kan thawh hlim a\anga kan mut lai thleng hian min nghawng vek a ni. Zing kan thawh chiah hian mi tam tak chuan politics \halo rah an tuar nghal a sin. Chawhmeh man a to a, buhfai a vang a, gas lah an hmang zo tep a, gas leina tur pawisa nei mah se han lak nghal mai tur gas a awm chuang lo. Khawlaiah han kal se kawng a chhe em em mai; motor nei tan pawh chhuah zin poh leh motor a tlo lo ting a ni mai. Lir te hi han nghingin, khuahkhirhna awm miahlo hnuaia Babel insang sak zawng zawngte han chim rup hlawm mai selang, Babel insang sa ve theilo ho hi a tuar nasa ber tur kan ni ang. Heng zawng zawng hi politics rah \ha lo vanga kan tawrh mek te leh kan la tawrh theih tur te a ni a sin.

America ramah inthlanpui a awmin CNN herh nung la, candidate te campaign neih dan han thlir mai mai teh. Candidate \henkhat chuan zirna in an tlawh ngei ngei tih i hmu ang. Chung zirna in an tlawh \um te chuan zirlai naupang tak takin an kum phuloin zawhna khirhkhan pui pui, keini rama puitlingte pawhin zawhna chang an hriat loh, ram inrelbawl dan a an ngaihdan hrang hrang an zawt \hin tih i hmu ang. Chung zirlai naupang tak takte chu Republican Party emaw Democratic Party an ni kher lo; mahse, an ram politics kalphungah thuk takin an inrawlh a, a tawi zawngin ‘an ram politics-ah an tel ve‘ tihna a ni. Keini ramah chuan hei hi kan tlakchham lian tak ala ni rih. A chhan chu party a luh chiah hi politics a tel venna ni a kan hriat vang a ni.

Mi malin emaw pawl (group) in emaw sawrkar thutlukna emaw sawrkar inrelbawl danah emaw sawrkar kalphungah emaw an ngaihdan leh duh dan tilang thei tura hmalakna emaw tel vena emaw an neih hi ‘politics huang chhungah an zuang lut tihna a ni a. Hei hian inthlan huna vote thlak te, sawrkar policy duh loh avanga nawrhna hrang hrang huaihawtna a tel ve te, ram inrelbawlna khawih thil meeting a tel ve te, sawrkar kalphung/inrelbawldan sawihona a tel ve te, eng forum-ah emaw politics chungchang sawihona neih te leh politics lam rawngkai a telna hrim hrim te hi politics huang chhung a mi vek a ni.

Heng a\ang hian ngun takin ngaihtuah ila, politics khelh hi party huanga zuanluh kher a ni lo tih a hriat theih ang chu. Amaherawhchu, miin a chunga kan sawite khi duh khawp lo a, political party hmanga thuneihna neih hi effective zawka angaih avanga political party a luhchilh hi politics huang chhung a mi tho a nih avangin an duhthlanna chu zahsak a \ul ve thung a ni.

Politics chu ram hmasawnna laimu, mitin huap a ni tih kan hre ta a. Politics a \hat chuan ramin hmasawnna kawng a zawh a, politics a bawlhhlawh chuan mite’n inthiar fihlim an duh zawk tih pawh a chiang hle. Mahse, inthirfihlim tum te pawh politics a\angin an inthiarfihlim thei tak tak chuang si lova. Chuvangin, rilru leh ngaihtuahna thar seng chungin politics hi kan thlir a hun hle a ni. Politics kan thlir dan hi thlak hmasa i la, chu chuan thui takin ram hmasawnna kawng a sat kua ang. Amaherawhchu, politics thlirna dik a\anga bul \an a, tha kan thawh vena te’n ram hmasawnna a thlen tir theih chuan si loh chuan a mawhphurtu chu politician-te leh roreltu te an ni tihna a ni mai.

Lallianchhunga

Asst. Professor

Mizoram University

The post Ram Hmasawn Nan Politics (Ngaihtuahna thar kan mamawh) appeared first on Vaphai Insuihkhawm Pawl.

]]>
http://vipvaphai.com/ram-hmasawn-nan-politics-ngaihtuahna-thar-kan-mamawh/feed/ 0 447
Municipality http://vipvaphai.com/municipality/ http://vipvaphai.com/municipality/#respond Sat, 06 May 2017 17:14:43 +0000 http://vipvaphai.com/?p=445 Mizoram khawpui ber Aizawl chu ram changkang zawk te inrelbawlna anga enkawl turin kum 120 laia upa a nih hnuah…

The post Municipality appeared first on Vaphai Insuihkhawm Pawl.

]]>
Mizoram khawpui ber Aizawl chu ram changkang zawk te inrelbawlna anga enkawl turin kum 120 laia upa a nih hnuah buatsaih a lo ni ta.

Kum 1952 vel thleng khan Mizote chu Lal rorelna hnuaiah khaw tin an lo awm \hin a. Kum 1947 a India a indan hnuah chuan Mizoram chu Assam  sorkar hnuaia District Council pakhatah dah a ni a, hemi  hnuaiah hian Zoram mipuite chu Aizawl thuthmuna neiin enkawl kan lo ni ta a ni. Lushai Hills Autonomus District Council, kum 1952-ah a  lo piang a, Lushai Hills District tih chu Mizo Hills District Council ti a thlak a lo ni leh a. Mizoram khua Lal awpna hnuaia awm \hin, Village Council nei thei tura bithliah chinte chu Village Council pek an lo ni ta a. Chung khuate chuan inthlan dan mumal tak hmangin V/C Memberte an thlang a, dan mumal tak hmangin khua an enkawl zui ta a ni. (Dr.Lalhnehzovi).

He V/C dan hmanga khawpui leh thingtlang kan inenkawlna hi \ha thawkhat ve hle mahse, tun dinhmunah chuan ram leh hnam hmasawn zelna atan tih dan thar hman a lo \ul ve ta a.  Tichuan Constitution of India – in a lo ruahman tawh sa – Khawpui inawpna atana Municipality leh thingtlang inawpna atana Panchayati Raj System te hi India ram State tinte tan 1992 Act-in a phut angin neih makmawh (Mandatory) a lo ni a. Tichuan, khawpui dangte inenkawlna dan Municipality chu Aizawl khawpui chuan a lo nei ve ta a, Mizo history-ah Aizawl khawpui chuan rahbi thar a lo chuangkai ve tan ta a ni.

  1. Municipal |obul: Municipal tih chu “Khawpui mahnia rorelna nei” emaw ” Khawpuia tualchhung sorkar inrelbawlna” tihna a ni mai a. Khawpui enkawltu, thuneihna sang tak nei, mipui thlan mawhphurhna kengtu (Elected body), Municipal Sorkar hi “City Government” an ti bawk \hin. Constitution zawnga sawi chuan India ram danpui Article 243Q hnuaia mahnia insawrkarna (Self – Government) sawina a ni a (Chapter I section 2 clause 41). Tuna kan kalphung pangngai anga State Sorkar hnuaia awm thovin, kan khawpui len leh tet a zirin ( hei hi mihring cheng zat atanga teh a ni ber) mipui ten kan khawpui \heuhva ro kan relna tur sorkar a ni ber mai. Kan sawi tawh ang hian mihring chengte leh a khawpuiin a phu dan a zirin hming hrang hrang heng – Municipal Board, Municipal Council leh Municipal Corporation tih te hi an pu/vuah hlawm a, hengho sawina tlanglawn chu Municipality tih hi a ni.

India rama Municipal hmasa ber chu Madras (tuna Chennai) – ah kum 1688, September 29 khan din a ni a. A hnu rei loteah Bombay (tuna Mumbai) ah din a ni leh a, Calcutta (tuna Kolkalta) ah din a ni leh bawk. 73rd & 74th Constitutional Amendment Act, 1992 siam a nih hnuah phei chuan, India ram khawpui zawng zawng ti mai ila (Danin a phut angin) Municipal inrelbawlna hmangin an lo inenkawl vek a ni. State dang ten kan hman ve hmain kum 20 dawn lai an lo hmang tawh a nih chu.

Municipal inrelbawlna hian a tum bulpui ber chu thuneihna sem zai (decentralization of powers) chung si a, mipuite rorelna (grass root democracy) awmze nei taka kengkawh chunga khawpui enkawl a ni. Khawpui inawpna leh inrelbawlna felfai leh khawpuia cheng mipuite tana hamthatna (Civic Service) felfai pek hi a mawhphurhna chu a ni.

  1. 74thConstitutional Amendment act, 1992 :                    Representative Democracy tihlawh tling turin India ram hruaitu ropui tak tak ten an ngaih pawimawh em em, a bik takin Rajiv Ghandhi-a Prime Minister a rawn nih khan he thil hi rawn ngai pawimawhin Constitution-ah pawh chipchiar taka thun belhin, State ten Constitution zulzuia hma an lak theihna turin  hma a rawn la a. A thih hnu 1992-ah Pu Narasimha Rao-a hun laiin Parliament In hnihin tluang takin an pass thei ta a. Tichuan, 73rd Constitutional Amendment leh 74th Constitutional Amendment Act, chu December 22, 1992-ah pass niin, April 20,1993-ah President of India chuan remtihpuina “Assent” a pe ta a. June 1, 1993-ah chu dan (Act) chu notified a ni a, hman \an a lo ni ta a ni. Chutichuan, he dan siam \hatna tlawh chhan hian Panchayati Raj leh Municipalities te chu State tinah July 1, 1994 hma ngeia neih tur tih a ni.

74th Constitutional Amendment hian India Constitution ah Part 1X-A changing, Article 243P – 243ZG a luah a. Heng bung / changte hian thil hrang hrang a huam a, a tlangpuiin khawpui inrelbawl dan tur te, Ward awmdan tur te, seat hauhsakna dan te, term hman dan te, a hnathawh dan tur te, sum hman dan tur te, inthlan dan tur te, hmasawnna ruahman dan tur te chiang takin a tarlang a ni. 73rd Amendment hian Panchayats chungchang a sawi thung a. Nagaland, Meghalaya leh Mizoram te erawh a huam ve lova, exemption pek kan ni (Art.243M (2) (a)).

  1. Municipal hming hrang te:

Constitution of India Article 243Q-ah chuan khawpuia tualchhung sorkar neih dan tur chiang takin hetiang hian a ziak.

Nagar panchayat (a hming hi engpawh hman theih) hi transitional area-ah, chu chu Rural area atanga Urban area-a inthlak chho mek khawpuiah, Municipal Council – khawpui te deuh ho-ah, Municipal Corporation – Khawpui lian ho-ah ti te in.

Mizoram chuan Mizoram Municipalities Amendment Act, 2009 – in a sawi angin, Mi singkhat aia tlem lo awmna khuate chu transitional area, Nuai khat singnga chung lam awmna khuate chu khawpui te leh Nuai nga chung lam awmna khuate chu khawpui lian (Larger Urban Area) tiin a sawi a ni. Thil pakhat Mizoram Municipalities Amendment Act vekin a sawi kan hriat reng tur chu khawpui \henkhat mi singkhat tlinglo te chu transitional area-a puan theih an ni tho ang tih hi hriat ve hrim hrim a \ha awm e.

  1. The Mizoram Municipalities act, 2007:                              (As Amended in 2009).

Mizoram Sorkar chuan kum 2007-ah khan 74th Constitutional Amendment Act, 1992 tlawhchhanin, dan pawimawh tak mai “The Mizoram Municipalities” Act, 2007 (Act. No.6 of 2007) chu a lo pass tawh a. Governor-in pawmpuina April 16, 2007 khan a pe a. Hman a nih hma hauhin October 29, 2009 khan Mizoram Legislative Assembly chuan Amendment siamin a pass leh nghal a. “The Mizoram Municipalities (Amendment) Act, 2009 (Act No.14 of 2009) tih a ni. November 24, 2009 khan Gazetted Notice siamin hman theih turin tihchhuah a ni.

Chu Amendment-ah chuan section 23 lai tihdanglamin siam\hat a lo ni ta a, chung zingah chuan hmeichhia te tan seat awm zawng zawng hmun thum a \hena hmun khat reserved chungchang pawh a tel a ni . The Mizoram Municipalities Act – 2007-ah hian Chapter 24 awmin, section 388 a awm a, chung section hrang hranga mi chu sawi sen a ni lova, a mamawh tan chuan Aizawl Municipal Council Office, Ch. Chhunga Bus Terminal, Thuampuiah dan bu hi lei theih a ni.

He Act hnuaiah hian Rules siam a awm nual tawh a, chungte chu –

  1. a) The Mizoram Municipalities (Procedure and Conduct of Business) Rules, 2007. He Rules-ah hian Councillor te thlan an nih hnua thutiam lak dan tur te, Chairman /Vice Chairman thlan dan tur te, meeting / session neih dan tur te, leh inrelbawl dan tur hrang hrang tihlan a ni.
  1. b) The Mizoram Municipalitie (Delimination of Ward) Rules, 2008 – He Rules-ah hian Municipal Area Ward siam dan tur etc. tarlan a ni.
  1. c) The Mizoram Municipalities (Election of Councillors) Rules 2007, (As Amended in 2010) – He rules-ah hian Municipal inthlan chu State Election Commission mawhphurhna a nih thu leh inthlan dan tur chipchiar tarlan a ni a, a pumpuiin Rules 109 lai a awm.
  1. d) The Mizoram Municipalities (Ward Committee and Local Council Rules 2010 leh The Aizawl Municipal Council (Facilities to Chairman, Vice Chairman, Executive Councillors and Councilors) Rules, 2010 draft pawh siam a ni.
  1. e) The Mizoram Municipality Authorities (Prohibition of Defection) Act, 2011 (Act No.14 as 2011) chu Mizoram State Legislative Assembly chuan a pass a. July 13, 2011 khan Governor remtihna hmuin, Mizoram Gazette-ah hman theih tura tihchhuah a ni.
  1. f) The Mizoram Municipalities (Amended) Act, 2007 (Act.No.6 of 2007), Section 59 & Chapter XII in a sawi angin “Regulations of Land – use and Construction of Buildings” leh “Solid Waste Management” chu Aizawl Municipal Council kuta hlanna (subject transfer) Order September 19, 2011 khan tihchhuah a ni.
  1. Aizawl Municipal Council (AMC).

Aizawl Municipal Area chu bial 19-ah \hen a ni a, chu chu ward tih a ni. Ward tin atan Councillor pakhat \heuh thlan tur a ni a, heng Councillor thlan chhuah te hi AMC rorel khawl ber tur te chu an ni. AMC a thuneitu (Authority) chu Board of Councillors (mi 19 thlan tlin te) an ni ang a, Chairman, Vice Chairman leh Executive Councillors ten Municipal Authority-ah Executive thuneihna chu an keng ang.

Ward Committee hi Ward tinah a awm ang a, Ward Committee (Chapter III, Section 23) hi Municipality-in a siam tur a ni. Local Council tin atangin Member pahnih an tel bawk tur a ni a, Councilor te chu Ward Committee tinah Chairman an ni ang.

Local Council tih hi Municipality-in vengchhung bil hmasawnna leh inrelbawlna atana a din, mipui thlan,tualchhung roreltute an ni.(Chapter II, Section 23 Clauses)

Heng bakah hian Chapter XII, Section 61-in a sawi angin Municipal Council-ah Chief Executive Officer (C.E.O) – Official lama hotu ber – Official Executive Head a ni a. Tin, Secretary, Executive Officer, Health Officer, Engineer, Finance Officer leh Town Planner te hi awm tura tih an ni.

The Mizoram Municipalities (Amendment) Act, 2009 hian dan hmasa 2007-a siam kha rawn siam thain, Aizawl Municipal Council Area-a awm MLA 11 leh Lok Sabha MP 1 te chu Board of Councillor zingah a telh ta a. Hei hi ngaihtuah ngun a ngai hlein ka hria. Rorelnaah Vote an nei dawn lo nain, Councillor te chu an dip hle dawn in a rinawm a. Municipal Authority pawh hei vang hian nasa taka a chhiat a hlauhawm hle. Municipal sorkarah pawh thuneih an duh a, tel  ve zel an duh tihna a ni mai a. Thuneihna insem zai (decentralization of power) chu a lang lutuk lo emaw ni aw, tih ngaih dan hetah hian a awm a ni.

6.Municipality tih tur leh thuneihna.

Constitution of India Article 243W hnuaia 12th Schedule-ah chuan Municipal tihtur  leh thuneihna chiang takin a ziak a. Chutichuan, AMC pawhin Municipal Dan (Chapter VI,57) a a inziah angin hetiang hian mawhphurhna a la anga, (tlemte chauh kan hriatfiah nan tarlang ila)

  1. Tui sem, tuiluankawr siam, hnawm thenfai leh paih chungchangah te,
  2. Bial awp chhung hmasawnna atana ruahmanna siam te,
  3. Inkalpawhna – Motor kawng, ke a kalna te, khualzin te chawlhbuk sak te, bus dinna hmun siam te, leh a dang tam tak a awm. (The Mizoram Municipalities Act, en rawh). Amaherawh chu, heng Municipal mawhphurhna te hi State Sorkarin Municipal dinhmun thlir chung zelin an tih tur chin chu a pe (transfer) tur a ni.
  1. Engtin nge sum an hmuh ang?

Municipal Fund siam ani ang a, Municipal-in pawisa a dawn te reng reng chu Municipal Fund-ah hian a lut ang. Tin,Budget an ruahman ve ang. State sorkar a\anga sum an hmuh te,  license leh fees an khawn a\anga an hmuh te, chhiah chi hrang hrang an khawn a\anga an hmuh te chu an sum hnar tur a ni. Tin Urban Local Bodies (ULB) hi Central a\anga lo kal, Municipality tana sum bawm, Municipal inenkawlna ber tur pakhat a ni. Khawpui hmasawnna atana programme hrang hrang heng JNNURM, CBULB, UDSSMT, ADB, etc a\anga khawpui tihchangtlunna tur sum (Fund) te hi a ni.

  1. Inthlanna.

Constitution vekin India ram State tin ten Election an neih ngei ngei a phut a, Article 243Q-ah chiang takin ziah a ni. Municipalities inthlan chu state sorkar ni lovin, State Election Commission – in a buatsaih tur a ni. Municipal Electoral Roll pawh siam ngei tur a ni bawk. Ward tin aiawh Councillor thlan turte hi kum 21 aia naupang lo an nih a ngai a, India khua leh tui, inthlan a din an tumna Municipal Area chhunga Electoral Roll – a hming chuang leh State sorkarin qualification \ul dang a tih ang ang a siam te a tling (qualify) an ni tur a ni.

Tichuan, First Aizawl Municipal Election chu November 3,  2010-ah State Election Commission kaihhruainaa neih a ni a. November 4, 2010 khan result puan (Vote Chhiar) a niin, he mi \uma AMC Councillor 19 thlan tharte chu November 16, 2010-ah chhechham – Oath Taking la a dan hnuaiah Councilor atana lakluh an ni. Hetiangin-

          First General Election to Aizawl Municipal Council,2010 List of persons elected as Councilors in the First General Election to Aizawl Municipal Council, held on 3rd Nov.2010.

SIno Name of ward Name of the elected councillors       Party affiliation                     Address

  1. I          Lalrinenga Sailo                      MNF      Durtlang ‘N’
  2. II Hmingthanzami           ZNP       Chaltlang
  3. III Lalthanliana                MPC       Ramhlun ‘N’
  4. IV Lalmalsawmi               MNF      Zarkawt
  5. V Rosiamngheta             MPC       Chanmari
  6. VI Zamanthangi               MNF      Chanmari‘W’
  7. VII Zarzoliana                   ZNP       Zemabawk ‘N’
  8. VIII P.C.Lalhmingthanga   MNF      Armed Veng ‘S’
  9. IX P.C.Lalruatsanga         MPC       Chhinga Veng

10.X          Lalzirliana                   INC        Chawnpui

11.XI         Lalchhuanmawii          ZNP       Tanhril Venglai

12.XII       Laldinsangi                 INC        Dinthar – I

13.XIII      W.Chhuanawma         ZNP       Vaivakawn

14  XIV     Lalrimawia                  ZNP       Khatla

15.XV       C.T.Zakhuma              INC        Nursery Veng

16.XVI      C.Lalsawivunga          MPC       Bethlehem                                                                      Vengthlang

17.XVII    F.Lalhuthangi              INC        Republic Veng

18.XVIII   Biakthansanga             MNF      Venghnuai

19.XIX      Ramhlunsanga             INC        Kulikawn

C.Lalsawivunga

Bethlehem Vengthlang

Aizawl, Mizoram.

The post Municipality appeared first on Vaphai Insuihkhawm Pawl.

]]>
http://vipvaphai.com/municipality/feed/ 0 445
Mizoram Tui Dinhmun http://vipvaphai.com/mizoram-tui-dinhmun/ http://vipvaphai.com/mizoram-tui-dinhmun/#respond Sat, 06 May 2017 17:14:01 +0000 http://vipvaphai.com/?p=443 Mizoramah hian Tui hnar (source) chi nga vel kan nei ti ila kan sawi sual tam awm love. Chungte chu:-…

The post Mizoram Tui Dinhmun appeared first on Vaphai Insuihkhawm Pawl.

]]>
Mizoramah hian Tui hnar (source) chi nga vel kan nei ti ila kan sawi sual tam awm love. Chungte chu:-

1)      Lui tui,

2)      Dil tui,

3)      Tuikhur tui,

4)      Leichhung tui (Ground Water) leh

5)      Ruah tui te an ni.

Heng kan tui neih hrang hrangte hi kan hmang tangkai hle a, ei leh in atan te, buh leh thlai chawmna atan te, ranvulhna atan te kan hmang a, heng kan tui hman te hi an him tawk em? Mihring, ran leh thlaite tan hman tlak an ni reng em? Tih hi i han bihchiang dawn teh ang.

Tui kan tih hi hydrogen leh Oxygen in chawhpawlh in a siam a ni a, a chemical formula chu H2O a ni. Tui hian thil a ti thei hle a, a khawih/tawh apiang a pawm tel thei emaw tih mai tur a ni. Chuvangin, enkawl uluk pawh a \ul hle a ni. Tuiah hian Mihring, ran leh thlai in kan mamawh minerals chi hrang hrang, natna min thlen thei natna hrik te leh tur (poison) chi hrang hrangte a lo tel \hin a, chungte avang chuan WHO (World Health Organisation) te , BIS (Bureau of Indian Standard) te, ICMR (Indian Council of Medical Research) te hian mihring leh ran tana tui intur him tawk bithliah fel tak (Guideline) an lo siam nghe nghe a ni. Hetiang Drinking Water Quality Standard an siam tak chhungah hian kan ram tui te hi an awm ngei em tih enfiah a, vil/ven reng chu PHE Department hmalakna peng pawimawh tak pakhat a ni. Hemi kawnga hma la tur hian Sawrkar-in tui endikna (Water Testing Laboratory) Mizoram hmun hrang hrangah hetiang hian a dah a ni:-

1)      State Referral Institute (SRI):- Hei hi Aizawlah awmin Chief Chemist in a ho a, Mizoram pumpui a enkawl a ni.

2)      District Laboratory:- Mizoram chhunga District Headquarter tinah District Laboratory hawn vek a ni a, Senior Chemist leh Chemist in an enkawl a ni.

3)      Sub-Divisional Laboratory:- Central Sawrkar kaihhruaina dung zuiin Mizoram hmun hrang hrangah Tui endikna Laboratory hawn belh mek zel a ni a. Tun dinhmunah hian Sub-Divisional Laboratory 14 hawn a ni tawh a, adang 4 hawn belh leh tur a hmalak mek a ni. Hengah te hian thawktu 3 (pathum) zel dah an ni.

A chunga kan sawi tawh tak State Referral Institue te, District Laboratory te, Sub-Divisional Laboratory te hian kan ram chhunga kan tui tlan hrang hrangte hi mihring, ran leh thlai te tan an him tawk em tih endik a, vil/ven reng hi an hnapui ber a ni. Hemi kawngah hian mipuiten mawhphurhna kan nei lian hle a, kan khua/veng \heuh a kan tui tlante dinhmun kan hriat theih nan heng Laboratories ah hian a khat tawka endik (test) tir \hin hi a tlantu mipuite tih ngei tur a ni. Heta hma latur hian PHE Department chuan khawtinah VWSC (Village Water & Sanitation Committee) a din nghe nghe a ni.

A hmasa lama kan sawi tawh ang khan, Tui hian thil \ha leh \halo chi hrang hrang a pai / keng tel \hin a, ram \henkhatah chuan damdawi (chemical) hlauhawm pui pui, mihring hriselna tichhe thei thil tam tak an tui tlanah a tel \hin avangin tuithianghlim intur mumal neilo an awm \hin. Hemi kawngah hianMizoram hi kan vannei hle a, mithiamte sawi dan in kan tui tlan hrang hrangah hian damdawi hlauhawm a tel ve meuhlo niin a lang a, kan la vannei hle a ni. Chutih rual chuan \henkhat kan hriselna khawih pawithei tlem a zawng chu a awm ve niin a hriat a, chung te chu tawi te te in lo sawi ila.

1)      Natna hrik (bacteria & Virus):- Laboratory hrang hranga tui endikna result a alan danin Mizorama kan tui tlan, luitui, tuikhur leh adangah te hian natna hrik (Bacteria & Virus) an awm tlangpui ni in a lang. Hetiang hi kan tui dinhmun a nih avangin, PHE Department chuan khawpui leh thingtlang tui lak \henkhatah hi chuan natna hrik (Disinfection) hmanrua hman a ni a, ala neilo te tan pawh hma a laksak mek a ni. Hetianga la tihsak loh khua kan la awm a nih pawhin tui intur bik atan chuan awlsam takin chhungtin ten tih theih kan nei a, chu chu ‘tui chhuan so’ hi a ni. Tui hi minute 15 vel \ha taka kan chuan so chuan natna hrik tam tak chu a thi thei a ni. Natna tam tak hi tuithianghlimlo in/ei atang kaichhawn theih a ni a, chung zinga a langsar zualte chu:                                   1) Kawthalo (Diarrhea)                                                 2) Santen (Amoebic and Basillary Dysentry)                 3) Tuihri (Cholera)

          4) Khawsikpui (Typhoid)

          5) Mitliam (Jaundice) te, rulhut pai vanga natna te leh ril lam natna te an ni. Heng natna hrikte hi tui inturah an lo awma mihring emaw, ran emaw kawchhung an lo thlenin an inthlahpun theihna tawk chiaha lum 37o C/ 44o C a lo ni a, hetiang hmun, an lum duhtawk chiah ah hi chuan zankhat lekah pawh a sangtelin an inthlahpung thei a, chu chuan mihring leh ranah natna a thlen \hin a ni. WHO chhut dan chuan khawvel ram \hang mek te zingah hian damdawi In khum 25% hi tui \halo in/ei vanga damlo ten englai pawhin an luah reng niin an sawi. Khawvela natna chi hrang hrang 75% lai mai hi bacteria leh virus nena inkaihhnawih tui thianghlimlo ei leh in vanga lo awm niin mithiamte chuan an sawi a ni.

2)      Iron Content:- kan sawi tak ang khan kan ram tui te hi mihring leh ran ei leh in atan a \ha tlangpui a, heng HPTW (Hand Pump Tube Wells) te, Sih tui \henkhat leh tuikhur tui leh lui tui \henkhatah hian thir (Iron) kan tih engemaw zat an awm ve a, Hand Pump thenkhatah tui intur him tawk bithliah pela thir (Iron) awmna hmuh a ni a, chungah chuan a lakkian/tihtlemna (Removal plant) te pawh PHE Department hian a lo siam tawh \hin a ni. Tin, tui chhuanso vak hian heng thir chi hi engemaw chen chu paih tihtlem ve theih a ni. Tui tlan laiah thir (Iron) atam viau chuan a rim a tui lova, rawng a insiam bawk \hin. Tin, pipe a ti tuiek thei a, a tlo loh phah thei a ni. Thir (Iron) tamna tui tlantu chuan pum nuamlo leh ek khal an nei thei a, Ulcer te pawh thlen mai thei a nghaih a ni. Tuia thir awm tur pawm theih chin chu 0.3 mg/1 hnuailam a ni.

3)      pH:- pH: kan tih hi tui a hydrogen leh iron tam lam (Concentration) sawina a ni ber. A tam lam pawm theih chin chu (6.5-8.5) thleng a ni. Hei aia a hniam chuan tui khan a thur lam a pawl a, a san chuan a al/ phak lam a pawl \hin. A hniam lutuk emaw a san lutuk emaw chuan a lak kualna pipe a ti tuiek in a tlo loh phah \hin. Tin, mihringah pawh hrisellohna engemaw a thlen thei ni a ngaih a ni. Tui pH hniam in kan taksa a mucous membrane (cell tuamtu rang pante) a tichhe thei a, a san lutuk lahin pumpuiin chaw a pai \awih theihna a tikhawlo thei bawk a ni.

4)      Flouride:- Fluoride hi ka ha enamel siamtu a ni a, tui inturah Fluoride a tlem viau chuan ha a \ha thei lova, tin a tam lutukin ruha calcium a eichhia a, ruhbawk leh ruhkawi  asiam thei bawk. Hetiang natna hi Fluorosis an ti a, Fluoride atam lutuk chuan Ha natna (Dental Fluorosis) leh Ruh natna (Skeletal Fluorosis) a thlen thei a ni. Mizoram tuiah hian a tlangpui thu in Fluoride a tlem deuh vek ni a ngaih a ni a, chuvangin Tooth Paste kan lei in Fluoride telna lei \hin ila, tichuan Ha tha kan lo nei dawn a ni. Tichuan kan tui tlan tur a Fluoride tel tam zawng bithliah chu 0.5-1.0mg/1 inkar a ni tur a ni.

5)      Iodine:- Mithiamte sawi dan chuan tlangram tuiah hian Iodine a awm tlem tlangpui niin an sawi a, keini Mizoram tlangram chhengchhe ve takah hian kan lui tui leh tuikhur tuiah te hian Iodine a tlem em em niin a lang. Iodine tlakchham vang hian nausen tam tak in natna an vei phah a, ruh te lutuk leh ruh kawi (ricket) te an neih phah a, tin an \han a ti \hu a, a\hen an \han dan tur pangngai aia chakin a \han tir thei bawk. Tin, Awrpuar hi a tlangpui thu in Iodine tlakchham vang niin mithiam ten an sawi bawk a, chuvangin (Common Salt) ah hian Iodine telh a lo nih phah ta a ni.

A chunga point tlemte kan tarlan a\ang pawh khian Mizorama kan tui tlan dinhmun tlangpui chu kan hre thei mai awm e. Heng kan sawi bak pawh hi kan tui tlan ti bawlhhlawh theitu tam tak an la awm a, sawi vek sen pawh a ni lo. Chung zinga sawilan tha a ka hriat tlem han tarlang ila, Mizote hian kan thlai chinte a lo him a, kan thar tak zawk theih nan Fertiliser te, Insecticides leh Pesticides kan hmang uar ta hle  niin a lang. Heng Pesticides leh Insecticides hi kan tui tlanah leh thlai eiturah a tel tlem hle in a rin theih a, kan hriselna khawih pawi thei, Cancer hial thlen thei an nih bawk avangin a hman danah kan fimkhur hle a tul awm e. Mithiamte rawnlo leh a hmandan tur hrelo chuan hman mai chi an nilo tih kan hriat tlan a tha hle a ni. Kum 1993 vel daih tawhah khan Indian Council of Medical Research (ICMR) ten heng kan nitin chaw ei buh, dal, thlai leh theite hi an lo enfiah nual tawh a, mihring tana pawi thei thil DDT leh HCH a tel tam hle tih an lo sawi tawh a ni. Hetiang hi thil awmdan a nih avangin, nitina kan tui tlan leh, chaw leh thlai eitur tikawlo thei thil hman hi bansan in kan hriselna i ngai pawimawh thar theuh ang u. Lui a Sangha tura kan hrai hian, keimahni kan inhrai tel a ni tih hria in a ti \hin ten i bansan daih ang u.

Awle, kan nitin nuna a tel lo a kan awm theih hauh loh ‘tui’ hi a lo thianghlima, a pawlh buai theitu keimahni siamchawp leh thlentir \hin zawng zawng ti tawp a, tireh turin Mizorama cheng zawng zawngte ka ngen che u a, kan khua leh veng tui tlan hi enge a dinhmun hre turin State Referral Institute ah emaw, District Laboratory emaw, Sub-Divisional Laboratory-ah te endik (test) tir \hin ang u. Mitin kan lo hrisel a, kan hmel a lo \hat zawk theih nan nitin tui thianghlim tam tawk in \hin turin ka chah che u a ni e.

(Pu T. Pahlira hi VIP ah pawh hruaitu hmasa lo ni tawhin, tunah hian PHE ah  Senior Chemist. niin Kolosib ah a awm mek ani, a chungah kan lawm hle. Ed )

The post Mizoram Tui Dinhmun appeared first on Vaphai Insuihkhawm Pawl.

]]>
http://vipvaphai.com/mizoram-tui-dinhmun/feed/ 0 443
Mizona http://vipvaphai.com/mizona/ http://vipvaphai.com/mizona/#respond Sat, 06 May 2017 17:12:56 +0000 http://vipvaphai.com/?p=441 Ni.3. October, 2006 khan Times of India chuan Survey danglam deuh tak mai a tichhuak a, chuta a zawhna chu;…

The post Mizona appeared first on Vaphai Insuihkhawm Pawl.

]]>
Ni.3. October, 2006 khan Times of India chuan Survey danglam deuh tak mai a tichhuak a, chuta a zawhna chu; ‘Piangnawn leh dawn ta la, India mi ni in i piang nawn leh duh an gem?’ tih ani a. A tam zawkin’ ‘Duh ang’ tiin an chhang a, keini mizo-te hi inzawt ve ta  ila. ‘Juda’ emaw ‘American’ –ah emaw tiin kan chhang daihin a rinawm. Amaherawhchu, kan dam chhungin, Lal Isua lo kal leh hma chu Mizo tho kan ni tawh dawn. Mizo-na  hi  changkan san chi ani lova, lehkhathiam san chi pawh ani hek lo. Ram dang a awm      bosan  chi pawh a ni lova, hming bula hnamdang hming  dah avanga hnualsuat chi lah ani hek lo. Kei zawng ka sual ani ang. Roman Catholic an nih ngawt loh chuan Sap hming invuaha an hnam hming atang chauhva Mizo tih hriat theihte hi kawm nuam ka ti lova, an inneihnaah pawh min sawmse kal ka tum lo. A thu hrimah Roman Catholic pawh nise, an hming bula Sap hming an vuah avanga Vanram luh a awlsam phah sawtna tur ka hre hek lo . Tlawmngaihna te, chingal leh saum pawh hi a mizo-na em em a awm chuang lova, Mizo-na chu rilruah a ni.

Zep nak emaw, kan mizo nula leh tlangvalte phaiah kum hnih khat an awm a, Mizo tawng an rawn pai haw lo chauh a, an zavai in an ni e kan tihna phei chu ani lo. Mizo rum rut tan phei chuan ngaihnep awm tak an ni. Mizo tawng intihthiam loh vel hi changkanna ani lovin, mawlzia leh hnam a chian lohzia lantirna ani zawk.  Mahni nihna (Identity) zahpui chi mihring hi (Psychologist- ten engtin nge an tih chiah ka hre lova) Mentally Handi-capped an ni.(metally retarded an ni bawk si lo,ka phuahchawp tawp a ni e) Eng ang pawhin hnam dang tawng chu thiam bing-bi-let mahla, an tawng I thiam avang khan engtikah mah an hnamah an ngai dawn lo che a, Mizo tho i ni ang. Mizo, mahni hnam a chiang a, Mizo nihna ngaisang thiam a piang hi hnam dang zingah pawh hmusitawmin an awm ngai lova, chhuanawm takin an awm zawk thin. Tin, Mizo tawng hi Mizo chuan a thiam ngei tur ani. Mizo tawng thiam hi Mizona erawh ani chuang lo. Mizo tawng thiam tak tak te hi Mizo an ni vek kher hek lo. Hnam chu Thisen-ah a ni zawk. Mizo tawng hman dik loh leh thiam loh hi chapopui mah zawk an awm thin a, heng ho hi chu a mawl tawk lekin an inti changkang tihna a ni. Tin, fate hming bula hnam dang hming telh leh a putuin changkang ta riau a an in ngaih chhung hi chuan Mizona rilru kan la pu tak tak lo tihna ani  ang a, ram leh hnam chu kan hmangaih tak tak ngai lovang.

Tunlai khawvel Cyber Age ah kan lut a, TV atangte, Internet atangte sap nula leh tlangval inchei dan kan hmu a, an platform dress kha an incheina tak tak emaw tiin an incheidan kan lo zir ve a, ava zahthlak em.! Hei hi chu Call Girl ani ang tih tur khawpin kan nulate an inchei a, Britney Spears inchei dan an zir a, Shakira inchei dan kan hmu leh , chute bawk. Britney Spears hi American nula ho chuan Saddam Hussein-a ai khan an haw zawk. Engvang nge? Sawi tam angai lo, BS-I awm paw-lawhzia chu kan hre vek. Chubakah, sap nula ang kha tribal kephah hlai chawn puar hian a in hmeh ve tak tak thei lo. Hetih laia kan nula te Nawhchizuar emaw tih tur khawp a incheiin, Mizona an bosal ta hi a pawi tak zet a ni. Mipate’n in kekawr hak hi kan sawisel ngawt lo va, siapsuap kha i tharthawh leh ang u, kan tihna ani hek lo. ‘Mizo takin, lai bal leh ngum khak lang lovin thawmhnaw inbel rawh u’ kan tihna a ni zawk.

Inchei dan atangin mizia a hriat theih a, chuvangin, Pastor nupui tlak ini em? tih i incheidan atangin a hriat theih. Pasalah Pastor nei rawh kan tihna ani kher lo. Inchei dan pangngai takin inchei rawh kan tihna a ni zawk. Thudang alaiin , hnam dang pasal a neih hi khap ngawt chi a ni lova, hmangaihna hian ramri nei ve hek lo le. Amaherawhchu, Sap nei leh Dumka nei an in ang reng. Sap nupui / pasal-a neih avang a chanchinbu vela fakmawi niawm fahran a comment vak vak hi hnam rilru pu pha tan chuan lai a na a ni.

Mipa bengbeh beh, mawngkawhur chhinchhiahna beh hmuh tur an tam ta. Tumahin ‘Pa’ (tunlai tawng tak in ‘Man’) an ti lo che. I rilru ruak zia i tih lanna mai ani zawk. Bengbeh I beh anih chuan mi nu leh pa in ‘Makpa’ atan an awt zawk zawk lo che. KTP active member tangkai tak chu  i ni lo phawt tih a chiang a ni.. Kekawr lah chu ek chhuak niawm fahrain kan la ha fual lehnghal a, Mizona hi kan va hnual suat ta em!! Kan fate lah chu sap School \eng hneng ve tak takah mizo tawng  pawh thiam mang lo, saptawng pawh thiam chuang lovin kan chhuah \euh a, cartoon network hmangin kan chawm seilian leh a, chumi hnuah mizotir leh kan tum a; Thing min lo ti tawh thin a ni. Kan naupangte lah  chuan Saizahawla chakzia ai chuan Undertaker-a chakzia te, Arnold-a chakzia te an hriat theih tawk a ni tawh bawk si a. Chumai a ni hleinem, Lalruanga thawnthu aiin Harry Potter thawnthu kan hre lar ta zawk hi chu Moral Assimilation dik tak a ni. Kan Mizo thawnthu leh kan nuna bet tlat Rih Dil-te hi eng thawnthu leh eng dil mahin kan thinlungah a chimral kan phal tur a ni lo. Mizo-na kan sawi laiin thenkhatin Israel mi nih \alh an lo tum ve mek bawk. Mizo-na mausam a, Juda nih tum \alh hi ka chhia leh tha hriatna hian a phal lo.

Tun hma chuan zirlaibuah te, Mizo thawnthu kha a awm thin a,  eng tizia nge maw ni zirlaibu atangin an paih tak daih ni ang? Mizo thawnthu-te hi naupangte rilrua hnam rilru puttirna tha tak a ni a, MBSE lamte hian han tharthawh leh se, a \ha khawp ang.  Mizo thawnthu-a Lalruanga thawnthu te hi sawi tawh angin; Harry Potter aia a nepna engmah a awm chuang lo. Mizo thawnthu aia hnamdang thawnthu an hriat zawk chuan,    naupangte leh thangthar zelte’n hnam rilru an mausam zel ang tih a hlauhawm ta a nih hi. Tin, Michael-a, Jimmy-a te kan fate hming ah kan sa a, Mizo beng ah erawh chuan Lianhleia, Khuangchera tih te hi a va mawi zawk em!! A tawp ber a tan chuan, I piang nawn dawn lova, ka piang nawn dawn hek lova, Mizo hle hle ang u.

Lalrinngheta

The post Mizona appeared first on Vaphai Insuihkhawm Pawl.

]]>
http://vipvaphai.com/mizona/feed/ 0 441
Kristianna leh Zu http://vipvaphai.com/kristianna-leh-zu/ http://vipvaphai.com/kristianna-leh-zu/#respond Sat, 06 May 2017 17:12:15 +0000 http://vipvaphai.com/?p=439 Kan thupui hi thupui ngaihven hlawh tak tur niin a lang a. Zirchianna nena sei tak ziak tur pawh ni…

The post Kristianna leh Zu appeared first on Vaphai Insuihkhawm Pawl.

]]>
Kan thupui hi thupui ngaihven hlawh tak tur niin a lang a. Zirchianna nena sei tak ziak tur pawh ni ila, ziak tur a tam thei hle ang. Amaherawhchu, ziak tura min beiseituten a ziak dan turah kaihhruaina hranpa min siam sak lo a. Zalenah ka inngai a. Tu pawi kan sawi em lo ang chu.

Pathianin a rawngbawl ve tura min kohna hmun Marpara-a awm Chakma hnam te hi a tam zawk chu Buddhist sakhaw bia an ni a. Kan rawng bawlna peng khat atan Kohhran chhungkuate hianBuddhist chhungkua \awng\aipui tur bik kan insiam a. Tlaikhat chu kan chhungkuain kan \awng\aipui \hinte zinga mi chhungkaw pakhat tlawh turin ka chhuak a. Zu zuar \hin chhungkua an ni nghe nghe a. Ka tum dan chuan ka thiam ang tawkin Pathian thu ka hrilh ang a, an chhungkaw tana dil sakin Pathian hnenah \awng\aiin hun ka hmang ang tih hi a ni a. A hma lam pawhin ka tlawh tawh \hin a, \awng\aina hun pawh ka hmang \hin tho a. Tun tumah hian tlawh leh turin ka inbuatsaih a, a phur pawh ka phur hle a ni.

Amaherawhchu, kawnga ka kal lain Mizo tlangval \henkhat, Company-a thawk, tlai lam zuin tur zawngte’n min lehkhalh a, an in min thlen khalh tlat mai a. An \henawmte inah engemaw chen ka nghah hnuin an inah chuan ka lut a. Rilru pangkhing takin min dawngsawng niin ka hria. Eng thu pawh sawi ila min ngaithla tak tak dawnin ka hre lo a. Pathian thu pawh sawi lo, \awng\ai pawh \awng\ai lovin, rilru na leh lunghnur takin ka hawsan ta a. Ka Mizo puite ngei leh a ngawl an vei zu avanga rawngbawlhna min tikhawlhkham khan ka rilru a tina zual a ni.

|um khat pawh kan Pro. Pastor nen home visit kan nei a. Chakma Kristian chhungkua kan tlawh kual a. In pakhata kan awm lai chuan Mizo tlangval pahnih hi an lo lut hlawl mai a. Kan han inbiak chian chuan an zu-in tur zawng, zu awmna hre silo khan, keini pahnih kha zu zawngah min lo ngai a. Min hmuh veleh kan luhna inah an lo lut ve chu niin! Pastorte kan ni tih an han hriat chuan sawi tur an van ve khawp mai. Pakhat zawk phei chuan Kohhran Upa fapa a nih thu a la sawi zui lehnghal! Chanchintha hrilna hmunah Mizo Kristiante kan mualpho a ni ber awm e.

Hun engemawchen Kristian ni tawh, Kohhranah  pawh rawngbawltu tangkai tak ni \hin Chakma nu pakhat chuan Kristian nih a duh tawh loh thu chiang takin a sawi a. A chanchin kan han zawh chiana, a sawi dan chuan Mizo tlangval zuruite’n “Chakma tan Kristian nih ve a ngai lo” tiin, kutthlak hial khawpin an vaubet tih a sawi a. Chuvang chuan a rilru a na em em mai a, Kristian nih a tum tawh lo hial a ni. Pathian a rinnaah a chiang tawk lovin a nghet tawk lo chu a ni ngei mai a. Amaherawhchu, Mizo Kristiante hian zu avang hian Pathian pawi kan sawi ang tih a hlauhawm hle.

Hetiang thil ka han sawi duhna chhan chu zu hian chanchintha hrilna kawngah, a bikin Mizo ram chhunga hnam dangte lakah hian harsatna min siam \hin vang a ni. Heng lai vela Buddhist sakhaw bia te hian zu an in nasa hle a. An kutpuiah te phei chuan hmeichhiate pawhin an in hial a. Mahse an ngaihdan nghet tak mai chu, ‘Kristiante chuan zu an in ngai lo’ tih hi a ni. Chakma hnam, Kristian ni tawhin zu a in tih an hriat phei chuan an hmusit zui \hin hle. Mi \henkhatin Kristian nih an hreh fo na chhan pawh Kristian te chu zu nghei ngei ngei tura an ngaih avanga zu nghei an hlauh vangte pawh a ni fo \hin.

Kan thupuia ‘Kristian’ tih hi tawitein han sawi zui lawk ila, ‘Zu’ tih hrim hrim hi chu sawi zui tum lo mai ila, ‘Kristian’ tih hi thuthlungtharah vawi thum chauh sawi lan a ni a. (Tirh. 11:26; 26:28;       I Pet. 4:16) Mi \henkhat chuan he \awngkam lo chhuahna hi inhmuhsitna leh innuihzatna, tihelna lam sawina niin an sawi a. A thu (term) pawh hi Kristianten anmahni kohna tur ni lovin Kristian ni ve lote’n Kristiante hmusit taka an kohna niin an sawi bawk.

A thu lo chhuah dan chu engpawhnise, Tirhkohte hun a\anga tun thleng hian, ‘Kristian’ tih hi Lal Isua leh a zirtirna pawmtu, Amah ring a, a tana rinawm tura inpe, a hniak hnunga zuitute sawina atan hman a ni ber a. Lal Isua vang a nih chuan Kristian chuan mualpho leh hreawm, retheih thlengin a tuar ngam tur niawm tak a ni a. A chhan chu he khawvela a taksa chu boral mahse chatuan nunna a neih tawh avangin. Tirhkoh Petera pawhin, “… Kristian a nih avangin tur sela zak suh se” (I Pet. 4:16) tiin a sawi a. Hun kal tawhah inkohna hming zahpuiawm tak a ni maithei, mahse Lal Isua ringtu tan chuan hming hlu leh chhuanawm tak a lo ni ta zawk a. ‘Kristian’ tih hrim hrim hi Krista (Christo, in Greek) hmingchawia sak niin a lang bawk a ni.

Tichuan, Kristiante’n nitina kan hun hman dan, Lal Isua zirtirna, thiltih tehna dik lo thei lo nia kan pawm, kan nun innghahna Bible zirtirna kan nun chhuahpui dan chu kan ‘Kristianna’ kan Kristian dan chu a lo ni dawn ta a ni.

Kristiante chuan thil tih tehna dik lo thei lo nia kan pawm Bible hi nun kaihruaitu atan kan hmang \hin. Chutiang bawkin zu chungchangah pawh hian Bible-in min zirtir dan hi kan dah pawimawh tur a ni ngei ang. Bible-ah zu chungchang hi a lang tam hle a, a sawina \awngkam pawh chi hrang hrang a awm a. Chipchiar takin kan sawi hman lo ang a. Bible ziak hun laia mite khan Uain (zu) kha chaw, tui leh damdawi atan te an hmang thin niin a lang a (Sam. 16:20, 25:18; & I Tim. 5:23 etc) Uain tha phei chu Pathian malsawmnaah an ngai hial thin a ni (Gen. 27:28; Amos. 9:13 etc). Chuvang chuan Biblein zu a sawichhiat lohna hmun thenkhatah chuan kan hmu a ni.

Chutihrual erawh chuan zu ruih hi a dem hle a, engtiklaimahin a sawi mawi ngai lo. Zu ruih avanga an chunga chhiatna a lo thlen dan pawh Nabala chanchin (I Sam. 25:26-31) ah te, Israel lal Ela chanchin (I Lal. 16:8-10) ah te, Nova leh Lota chanchin leh hmun dangah te pawh kan hmu a. Uain ruih chu sawi loh, Uain hrim hrim a sawichhiatna pawh kan hmu nual (Thuf. 20:1; 21:17; 23:20-21, 29-33). Keini Mizoten zu kan tih ang chi phei hi chu a \ha lama hman a ni lo. Tirhkoh Paula pawh khan Uain ruih chu a khap nasa hle a, Vanrama kai lo turte zingah a telh hial a nih kha. Kohhran hruaitu ni tur phei chu a duh tui hle a, zuin ching lo an ni tur a ni (I Tim.3:3) a ti a. Kohhran rawngbawltu tur pawh zu heh leh bawlhhlawh taka help duh mi a ni tur a ni lo (I Tim. 3:8) tiin a sawi bawk a ni.

Pastor Laldinpuia Hranleh

The post Kristianna leh Zu appeared first on Vaphai Insuihkhawm Pawl.

]]>
http://vipvaphai.com/kristianna-leh-zu/feed/ 0 439
Kan Khua http://vipvaphai.com/kan-khua/ http://vipvaphai.com/kan-khua/#respond Sat, 06 May 2017 17:11:38 +0000 http://vipvaphai.com/?p=437 Hmanlai thu leh thu hlui lutuk sawi ka tum lova, ka hre bawk hek lo. Ka hriat ve phak leh…

The post Kan Khua appeared first on Vaphai Insuihkhawm Pawl.

]]>
Hmanlai thu leh thu hlui lutuk sawi ka tum lova, ka hre bawk hek lo. Ka hriat ve phak leh ka hmuh phak ve chin chauh sawi ka tum a, tu huat thu a ni em lo ang chu. Amaherawhchu, Khawnvartui pawl (blue) hnua nula tlangval tan chuan hmanlai thil tak pawhin a hriat ang.

Kan khua ‘Vaphai’ hi Pathian malsawmna zara ei leh barah pawh intodelh ve \hin, khaw nuam leh khaw lungrual tak kan ni \hin a. In 80 vel kan nih lai atangin Lal leh upa ten uluk tak leh \hahnemngai taka khawtlang nun thlenga an enkawl leh vilven a ni a. ‘Taima Khua’ tia sawi hlawh ve \hin a ni. Khawtlang rorelna a \ha a, mi hnuaihnung leh dinhmun chhe zawkte hmuhsit leh hnuaichhiahna a awm ngai lova, Khuangchawipa leh Thlai-lâm lô pa pawh angkhat veka len hona a ni \hin. Pu Lalchungnunga te pafa pawh a fapa Pakzama  naupan lai a\anga an thihni thlengin khawtlang enkawl leh chawm niin thlamuang taka an khawsakna a ni. Pianphunga rual ban lo leh rilru lama mi ang lo deuhte pawh hmuhsit leh chhawnchhaih an ni ngai lo.

Kristianna pawh a lut hma viau a, Lal leh upa ten an dodal lo ni ngei tur a ni. Tirhkoh Vanchhunga bial fang pawh Lal inah thlamuang takin a thleng a, chumai nilovin Lal tunu Zoluti chu Kristianah a in pe nghal nghe nghe a, a pu Mitinliana leh a pa ten an dodal chuang lo a, \ha takin Pathian thu a awih thei mai a, Vaphai khuaa Kristian hmasa ber a ni nghe nghe a ni. Lalchhungkuaah hian Kristianna hi a lut nghet tih tur a ni awm e. Lal fapa Lalbuaia chu Kohhran upa hmasa te zing ami a ni a, tun thlenga min la dam puitu Pu Lalrokhama (Vaphai Lal) pawh hi a naupan laiin a nu leh pa ten hmanlai dana thawi an tum pawh duh lova tlan bo ngam ngat a ni bawk a ni.

‘Kohhran’ han tih theih tur pawhin an ding hma hle a ni. Sawi zel chakawm bawk mahse he lam chu dah rih mai ila, tunlai deuh sawi chho dawn ta ila a tha awm e. Tunlai changkanna êng a\anga thlir chuan ho leh nuih tiza tam tak keia hriat theih chinah pawh a tam mai. Tunlai changkanna êng atanga thlir chuan |hianpa Lalkanglova \awngkam takin an lo ‘hlâm’ awm mange tih mai tur an ni. Mahse, a hun lai atan na na na chuan thil mak leh ho a ni hauh lo. Ka la hriat reng thil pakhat chauh han sawi hram ila. Pu Tawnsailova (RIP) kha Kohhran Secretary a ni a, chawlkar khat chhunga Kohhran inkhawma hun neitu tur a puanga “Nilai zanah ka u Luaia, Inrin zanah ka pa Buaia, chhawlhni chhunah ka u Sikara, zanah kei” tiin a puang a ni.

Khanglai huna an Kristmas hman dan kha a takin a nuam bik hian a lang. Kristmas dawn ni 24 chu Mas Thingphurh Ni tia sawi a ni ber a, Nula leh Tlangval ten Mas thing tur an phura an hlim em em \hin a ni. Biak In tualah Fârtûai buk mawi tak tak an phun a. A chhung lam pawh Tumkau leh Pangpar-in an chei a, Tlaizawngpar leh Tlangsampar te an tar chuai \hin.

Zan inkhawm banah chuan mitin rilruah lenkhawm tur tih chu a chiang sa mai a, tunlai anga interek hran leh Picnic tih velin a tibuai lova, Pathian faka zaikhawm chu thupui ber a  ni mai. Pu Chalmanga leh Pu Tlangkhuma ten \hahnemngai takin an ho va, Naupang lo bengchheng lutuk tur pawh Pu Romana’n duhsak tak leh duat takin a \hutpui ran \hin a ni. |hianpa Lalkanglova’n ‘Hla mawm’ a han thlang a, Khuangpuin a ki (key) dik tawk tak maia lain kan han sa a. Tih tak zet leh \hahnemngai taka zai kan ni bawk a, kan tui \hin ngei mai. A dawt leh chu thlan hran pawh ngai chuang lovin Khuangpu-in … Pui chu a eng … tih hla an rawn vâwr leh a, a ropui \hin ngawt mai. Naupang  ho erawh chu khua a var dawn tawh em tih ngaihtuahin Siruk leh Chhohreivung en turin an in chhuah chhawk sek \hin.

Khua a lo var dawn meuh chuan Bethlehem phul chil turin an inbuatsaih a, Darkhuang leh Darmang te, Biakin darte hawh khawmin khawvar rual vel a, khawlai zaia fang turin an in buatsaih a, nuam ti tak leh hlim takin zaiin khawlai an fang \hin a ni. Keini khua hi chuan tunhma a\ang rengin Krismas ni hi chu Chawlhni angin kan hmang a, a ni ah ruai kan \heh ngai lo. Ni 26 hi ‘Ruaipuini’ kan ti mai \hin a ni.

Krismas ruai ni tlai lam ruai \heh hun dawnah chuan Mipa Naupang ten ruai siamna tur Thlangra hawh khawmin an buai ve a, chi pawh thirfian khat te te a khawnin an la khawm \hin. Masi ruai hi ni 2 ni 3 te \heh thin a ni a, a hun tawp berah chuan ‘Chhang’ kan ni a ni \hin. Masi ruai \hehna sathau leh hang dak te Fatu fel leh taima ten an lo khawl a, chu chuan chhang an kang a, sa ruai ni aimahin a hlimawm zawk a ni lom ni? tih turin a hlimawm \hin.

A… ka sawi sei lutuk mai dawnin ka hria, Masi chhunzawmna Se (Sial) talh leh thil dang chu sawi tawh lo mai teh ang. Tunlai nula leh tlangval Hriangkawn, Saibual tlang, Lungzeh kawn etc pawh hre pha tawh lo, khawnvartui pawl hnua nula leh tlangval tan a ngaihnawm dawn bawk si lo. Pu Tlanliana (RIP) hla hian kan ti tawp mai ang e.

Zawhte phum tlang ka thleng ta,

          Tlangsam a par e;

          Vailenhlo leh Tlangsam nen

          A ni e, a ni e.”

  1. Thawma

The post Kan Khua appeared first on Vaphai Insuihkhawm Pawl.

]]>
http://vipvaphai.com/kan-khua/feed/ 0 437