VIP Logo

Vaphai khaw chhuak Aizawla awmte’n inzawmkhawmna tha zawk kan neih theih nan, Pawl hming leh inkaihhruaina dan (Constitution) henga hnuaia mi ang hian kan siam.

 

Pawl dinna hmun        :           Pu T.Thanzauva In, Electric Veng, Aizawl.

Pawl din ni                  :           April ni 30, 1988 (Inrinni)

Member kalte              :           230 (Zahnih leh sawmthum)

 

BUNG-1

PAWL HMING LEH A HUAM CHIN

 

  1. Pawl hming :           He Pawl hi VAPHAI INSUIHKHAWM PAWL (VIP)

tih a ni.

  1. A huam chin :           He dan hian Vaphai khaw chhuak, Aizawla awm tawh

phawt chu a huam ang a, annual fee pe duh lote erawh

chu a huam lovang. Vaphai khawchhuak, Aizawla

lo zinte pawh, an cham chhung atan a huam tho ang.

 

BUNG-2

AIMS AND OBJECTIVES

 

  1. a) Vaphai khaw chhuak, inzawmkhawmna nghet leh thawh hona tha neih.
  2. b) Chhiat ni that ni-a pheikhai rual zawka intanpui tawn.
  3. c) Vaphai khaw hming thatna tura hnathawh.
  4. d) Harsatna bik neite tanpui.
  5. e) Ram leh hnam hmasawnna ngaihtuah.
  6. e) Chhiatni/Thatni-a kan inlam zung zung theih nan hming leh address kimchang in tin neih  theih tura a bu-a siam.

 

BUNG – 3

MEMBERSHIP AND DUTIES

 

  1. (a) Membership : Vaphai khaw chhuak, Aizawla awm tawh phawt chu he pawl

member an ni thei ang.

(b)        Membership Fee : Vaphai khaw chhuak, Aizawla awm te chuan Executive

Committee-in Annual Membership fee a tuk zat kum tin pe-in Member an ni

thei ang.

  1. He Pawl member ni tawh phawt chuan heng a hnuaia mi ang hi nih an tum hram tur a  ni.

(a)        Mahni leh chhungkua vawng fel mi.

(b)        Thudik ngaina a tan tlat mi.

(c)        Khuate ngaina a, tanpui an ngaihna apianga tanpui.

(d)       Mahni awmna vengah mi tlawmngai leh hmingtha nih tum.

(e)        Zu leh ruihtheih thil dang danga khua tihmingchhe thei zawnga

khawsak loh.

(f)        Nulat Tlangval kawnga invawng fel mi.

 

BUNG – 4

GENERAL HEADQUARTERS

 

  1. He pawl hi Vaphai khaw chuak, Aizawla awmte tan bik a nih avangin General

Headquarters pawh     Aizawl a ni ang.

  1. Vaphai khaw chhuak hmun danga awmte’n he pawl hi an din duh pawhin

Headquarter phalna lo chuan an din theih lovang.

 

BUNG – 5

OFFICE BEARER NI THEI CHIN

(QUALIFICATION)

 

  1. He pawla Office Bearer ni tur chuan pawl member a ni tur a ni
  2. Office Bearer ni tur chuan India danin puitlinga a pawm a ni tur a ni.
  3. Office Bearer chu Aizawl hmuna awm a ni ngei tur a ni.
  4. He pawl Member Fee pe ngei a ni tur a ni.

 

BUNG – 6

INTHLAN DAN.

 

  1. Inthlan dan :

(a)        Vaphai khaw chhuak, Aizawla awmte hi insawn kual insawn kual kan nih

avangin kum hnih danah pawl hruaitu inthlan thatna neih ziah a ni ang.

(b)        Office Bearer Term pawh kum hnih a ni ang.

(c)        A kalkhawm zinga puitling chin chuan vote an nei thei ang.

(d)       He pawl hruaitu kan thlan dawnin Executive Committee-in ruahmanna siamin,

nomination mi 12 aia tam lo a siam ang a, floor atangin mi pathum aia tam lo

nominate siam theih a ni bawk ang. EMAW Upa thlana inthlan theih a ni ang.

A chunga inthlan dan eng emaw zawk zawk pawhin inthlan nise, post by post emaw O.B. tur thlan chhuaha post insiamrem emaw inthlan danah hian hman theih a ni ang.

(e)        He pawl hruaitu kan thlan dawnin a kalkhawmten kan lungrual tlanna a nih

chuan post-by-            post a inthlang lovin, Office Brearer tur mi paruk (6) thlan

chhuah mai a, chung kan mi thlante chuan a remchan dan angin an nihna chelh

tur (post) te an insiamrem mai thei ang. (Second amendment, 2000)

  1. (a) Thlan tur te (OB Post)

 

  1. i)          President
  2. ii)         Vice President

iii)        Secretary

  1. iv)        Assistant Secretary
  2. v)         Treasurer
  3. vi)        Financial Secretary.

 

(b)        Heng mi paruk (6) thlan chhuahte hian tul an tih chuan, Secretaries mi pali aia

tam lo a ruat thei ang.

(c)        Executive Committee member mi 20 aia tam lo, Senior Adviser pali aia tam lo

leh Patron pahnih aia tam lo an ruat thei ang.

(d)       Bialtu MLA apiang chu Ex-Officio member a ni nghal ang.

(e)        Inthlan dawnin Executive Committee-in uluk takin Returning Officer leh

polling officers a  ruat thin ang.

 

  1. Charge hlan:

Office Bearer thlan tharte hnenah Office Bearer kal chhuak turten inthlan atanga ni 15 hmain charge an inhlan ngei tur a ni.

 

BUNG – 7

COMMITTEE HNATHAWH TUR LEH MAWHPHURHNA

 

  1. He pawl thil tumte tihlawhtling turin theihtawpin an bei ang.
  2. Committee thu tihtluk (passed) te rang takin an bawhzui nghal ang.
  3. He pawl leh khua timualpho zawnga awm an awm chuan a tihreh dan emaw,

action lak dan emaw, rang takin an ngaihtuah nghal ang.

 

BUNG – 8

OFFICE BEARER-TE DINHMUN

 

  1. President : Pawl hruaitu lu ber a ni a, Committee leh intihhlimna emaw, pawl

hminga kalkhawmna a awm phawt chuan, inkhawmna a kaihruai ang.

  1. Vice President : President thachhang dawltu a ni a, President a awm loh

changin President mawhphurhna a la nghal ang.

  1. Secretary : President kaihhruainain Committee koh leh inkhawm rorelte uluk

takin a record             ang a, bawhzui ngai apiang a bawhzui nghal ang.

  1. Assistant Secretary : Secretary thachhang dawltu a ni a, Secretary awm loh

apiangin Secretary mawhphurhna a la nghal ang..

  1. Treasurer : Pawl sum vawngtu a ni a, him tak leh uluk takin pawl sum a

vawng ang.

  1. Financial Secretary : Pawl sum ziaktu a ni a, Pawisa lut leh chhuak uluk leh

fel takin a record zel ang.

 

  1. Office Bearer tu pawh, harsatna bik vang emaw, hmun danga insawn vang

emaw-a ban a duh chuan Office Bearer tu emaw ber hnenah banna a thehlut ang a, Executive Committee-in a chungchang rang takin a ngaihtuah ang a, tul a tih angin a aiawhtu a ruat nghal ang.

 

BUNG – 9

FINANCIAL RULES

 

  1. He pawl sum hi atlangpuiin pawl enkawlna tur leh a tul bik thila tanpui ngaite

tanpui nan hman a ni ang.

  1. Treasurer chu pawl sum awm ang ang him taka vawngtu a ni ang a, a ma thu

hmanral theihna a nei lovang.

  1. Pawl sum lut leh chhuak reng reng Financial Secretary in cash book-ah fel tak

leh dik takin   a record vek ang a, endik theih turin a awm tur a ni.

  1. Pawl sum hmanral reng reng chu Receipt/Voucher a awm vek tur a ni.
  2. Pawl sum reng reng tumah puktir phal a ni lovang.
  3. Pawl sum reng reng Rs 20,000/- (Cheng singhnih) aia tam chu Treasurer leh

Financial Secretary ten Joint account hawngin Bank-ah an dah zel tur a ni.

  1.      Pawl sum hi Committee thu lo chuan hman phal a ni lo ang. Amaherawhchu,

tul zual bik leh rikrum thilah chuan Office Bearer leh VIP member pathum aia tlem lo inrawnin Rs 10,000/- (Cheng singkhat) thleng an hmang thei ang.

  1. Pawl sum hi hloh emaw, eng vang pawha a kim loh chuan a kawltuin a kim lo

zat chu a rul tur a ni. He thu hi Committee-in pawisa tibotu tel lovin an rel tur

a ni.

  1. Pawl sum hi kangmei leh rukruk avanga a bo a nih chuan Committee-in tha a

tih angin a rel ang. Thil dang a chan nen tehkhawngin.

  1. Pawl sum hi kumtin audit (endik) tur a ni. Tul bik thilah chuan, Committee-in

kum khat tlin hma pawhin a audit thei ang. Endiktu (Auditor) atan chuan

Committee-in mi tling leh thiam tawk, pawl member ni kher lo pawh, mi

pahnih a ruat thei ang.

 

 

PUNISHMENT OF OFFENCES

 

Vaphai khaw chhuak Aizawla awmte mi tupawh, pawl leh khua timualpho

zawnga awmte chu heng a hnuaia mi ang hian an chungchang ngaihtuah a ni ang.

 

  1. Vaphai khaw chhuak engkawng pawha Pawl leh khua tihmingchhe zawnga che/khawsa chu, mi tupawh man chhuah an nih chuan Commttee-in tul a tih angin, an chungchang ngaihtuah theih a ni ang.
  2. He pawl hminga mahni mimal hamthatna hui tuma politics eng party ah mah hman phal a ni lova, dan bawhchhia chu, member anihna atanga hnawhchhuah theih a ni ang. chhiatni thatni pawh tawk sela, pawl hminga ngaihsak leh tanpui theih a ni lo ang.

 

BUNG – 11

POWER TO AMEND THE V.I.P CONSTITUTION

 

He dan (Constitution) hi a eng bung leh changte pawh he pawl Executive Committee-in siam that tul a tih chuan siamtha tura rawtna General Assembly-ah a chhawpchhuak anga, General Assembly-in a pawm chuan hman nghal tur a ni.

 

BUNG – 12

GENERAL ASSEMBLY

He pawl hian kum hnih chungin vawi khat tal member zawng zawng inhmuhkhawmna a nei ngei tur a ni. A hun leh hmun chu Committe-in tha a tih angin a ruat mai ang.

 

BUNG – 13

CHHIAT TAWKTE TANPUI DAN

 

  1. INRAL DAN :

V.I.P member, Aizawl city-a member ship fee pe chhungkuate chu khawi hmunah pawh chhiat an tawh pawhin VIP-in Rs. 1,000/- in a ral ang a, amaherawhchu, an chhungte ( a pianpui buaipuitu emaw, nu leh pa) Aizawla an awm loh chuan ral an ni lo ang. Tin, Nausen thlakima piang, thla thum chin an boral pawhin pawl anga ral tur a ni.

 

  1. RUANG THAWNCHHUAH CHUNG CHANG :

Kan khuate vanduai thila boral, Aizawla vui loha, khawlama ruang thawnchhuah a nih chuan a hnuaia mi ang hian VIP-in hma a la ng :

(a)        A rang thei ang berin Memberte inhrilh darh tur a ni.

(b)        A thlenna/awmna veng VC leh YMA-te thu ngaihchan tuir a ni ang.

 

  1. MOTOR CHUNGCHANG :

(a)        Department emaw, mitlawmngai/an chhungte motor, ruang phurhna tur a awm

chuan VIP-in motor a ngaihtuah sak lo ang a Rs. 1,000/- in a ral thin ang.

(b)        Department emaw, mitlawmngai/an chhungten ruang phurhna tur motor an

ngaihtuah theih lova, anmahni chhiat tawk chhungte motor hmanna tur pawisa

neilo harsa zual an nih chuan VIP-in motor hman man Rs. 20,000/- thleng a

tum sak thei ang.

(c)        Aizawl City pawna boral, Aizawla rawn luhpui an awm pawhin bung 13 (3)

(a) leh (b) anga tuamhlawm tur a ni ang a; Aizawla vui nghal tur a nih erawh

chuan bung 13 (1) anga hma lak tur a ni thung ang.

 

 BUNG – 14

THIL DANGA VIP-IN A TANPUI THEIHNA TE

 

Vaphai Insuihkhawm Pawl member tu pawh, natna avanga te, Kangmei leh Leimin tuar leh harsatna dang lian tak an tawhin VIP Executive Committee-in tanpui ngai ngei nia a hriatte chu a tul angin a tanpui ang.

 

BUNG – 15

CHAWIMAWINA

 

  1. Intihsiakna kawng hrang hranga VIP member state level leh a aia sang zawk a

pakhatna ni thei chu          pawl (VIP) hminga chawimawina pek thin an ni ang a, a hun leh hmun chu Executive Committee-in a  ruahman ang.

 

  1. Kawng hrang hranga chawimawi tlak ni a Executive Committee-in a ngaih/hriat chu chawimawi theih an ni ang. Hei hian pawl member leh member lo pawh a huam ang.